Chin Youth Organization Cup Cu April 2 In 12 Tiang Hakha Ah An Tuah Lai

Salai Ngun San Aung| 2018 March 29| Chin Youth Organization (CYO) nih a ngeih tawn mi CYO Cup, Hakha khuachung sang le Hakha peng chung pengtlak dihlak fonh pumpululh chuih zuamnak cu 2018 March 2-12 tiang Hakha ah tuah ding in timhtuahnak ngeih a si cang.

Tukum CYO ah a chuih ding mi hi Group 4 (A, B, C, D) ah then an si. Group A-Khuathar (A), Khuahlun, Cawbuk, Group B-Khuathar (B), Dawrhlun, ZAYF (Zokhua peng), Group C-Keisih, Hakha Thar, Dinlo, Group D-Mie, Dawthar, Pyidawtha tiin an si.

April 2 zanlei in thawk a si lai. Chun 12:00 in bawlruan hunnak tuah a si lai. Chunhnu sml 1:00 ah Dawrthar le Champion a simi Mie an chuih lai. 3:00pm ah Khuar (B) le Dawrhlun an si lai. Nihnihnak cu chung 12:00 in thawk a si lai i Keisih le Hakha Thar an chuih lai. 2:00 pm ah Zokhua peng (ZAYF) le nikhat nak Khuathar (A) le Cawbuk an si lai.

CYO Cup pumpululh chuih ding minung thim ning kong ah, Hakha ah inn tung a bunh cang mi paoh cu a umnak sang nih a lak lo lawngah pengtlang nih lak khawh a si. Cun tahchunhnak ah Dawrthar sang ummi pa kha Dawrthar nih an lak lo ahcun Pyidawtha zong nih lak khawh a si. Hakha peng minung siloin pengtlang dang in tutan pumpululh chuih ruah lawngah Hakha a ra mi tibantuk cu chuihter an si lai lo tiah CYO nih lentecelhnak kong he pehtlai in mumai a ngeih.

Tukum zuamnak ah laksawng lei a dih dingmi dang dang caah Dr. Ram Ceu Hnin nih 800,000MMK le Sipin Minister Salai Isaac Khen nih 1,000,000 MMK bawmhnak an pek lai tiah kan theih. Sihmanhsehlaw hihi a tangka fang in CYO upa sin a phak rih lo caah aa thlengnawng mi zong a um kho.

Pakhat nak in pathumnak tiang laksawng a um lai i an chuih tin te puai khat chung ah a thiam bik laksawng zong a um lai leng ah a si Coach a thiambik laksawng zong a um chih lai. Final cu April 12 ah a si lai i April 14 hi CYO General Meeting le hruaitu thimnak zong an tuah beh te lai tiah kan theih. +++

Na ruahning rak langhter ve.. (Leave a comment)

%d bloggers like this: