Chin Youth Organization Kalay-Kabaw Hruaitu Thar Thimnak An Ngei
TCP-Kalay| 2018 November 19| 2018 kum November 18 ah CYO-KK General meeting cu Salem Baptist Church, Sanmyo ah an tuah i mino 50 an kai kho. Hi ni ah hruaitu thar thimnak an ngeih pin ah ramleng lei in Rev. Emmanuel (G.S, Chin Christian Association of Europe-CCAE) le ramchung in Dr. Salai Khin Maung Thein nih “Nihin Kalay-Kabaw ummi Chin (Hakha) miphun hna sining le CYO-KK dirh a herhnak kong a chim tiah theih a si.
2018-2020 CYO-KK hruaitu ding hna cu;
President (1)-Ram Siam (KLSB)
Vice-President (2)- Bawi Tei Cung (TLCF)
Vice-President (3)- Khin Htoo (Lautu)
Secretary (1)- Kulh Bawi Sang (KLSB)
Secretary (2)- Pek Lian Thang (Zophei)
Secretary (3) – Van Hoi Lian (Lautu)
Treasure (1)- Sayamah Za Iang (KLCF)
Treasure (2)- Bawi Tha (Lai Seino)
Treasure (3)- Win Aung (Zotung)
EC member ah
1. Khua Aung Thang ( Lautu)
2. Ni Cung (TLCF)
3. Bawi Neih Sung (KLSB)
4. Kap Lian Thang (KLCF)
5. Siang Peng Lian (KLCF)
6. Van Nun Bawi (Komaing)
7. Dim LianCim ( Komaing)
8. Ral Bik Thang (Zophei)
9. Ngun Kha (Lautu)
10. Thein Za Men (Zotung)
“Kalay peng chunng ahhin milu 338,079 an um i Kawl miphun hi 180,464 le Chin miphun (Falam, Tedim, Mizo, Hakha) fonh ah milu 155,669 le miphun dang hi 1946 an si. Kalay khuachung sang 19 ah inn 20,872, le khuate ah khua 185, le inn 41,738 a um. Mah Chin miphun chungin Chin (Hakha) holh aa hrawmmi, kan dihlak milu 21,019 hrawng hi Khuate khua 20, le Kalay khuachung ah Chin (Hakha) milu 1550 fai, inn 1560 hrawng le Khrihfabu 55 hrawng le Chiat/that zohkhenhnak ah Laimi Zokhenhnak Bu (LZB), Chin Funtomnak Bu (CFB), le Chin Youth Organization (CYO-KK) ah hin Kalay Laiseino, Lautu Fellowship, Zotung Fellowship, Komaing, Zophei Fellowship, Matu Fellowship Tahan Lai Christian Fellowship(TLCF), Kalay Lai Christian Fellowship (KLCF) le Khrihfabu (55) hrawng ah Peng/tlang zohkhenhnak Fellowship (6) then in miphun dang karlak ah i tenhbu in kan um cio” tiah Dr. Salai Khin Maung Thein nih TCP ah a chim.
Cucaah Kalay-Kabaw chung um Chin (Hakha) holh aa hrawmmi in bochanmi upa hna le Mino bu vialte i tonnak cu, Van Bik Memorial Baptist Church (VMBC), 2016 October 22 ah tuah a rak si.
Mah i tonnak ah Chin (Hakha) miphun mino bu le Fellowship vialte i pehtlai khawhnak ding ah Chin Youth Organization-Kalay-Kawbaw (CYO-KK) cu dirh a rak si. Atu ahcun No/5/Kalay/028 in Kalay District Administration zung nih 2017 November17 kum ah register pek a si cang tiah kan theih.
Hi bu nih a huapmi (Area) cu Kalay-Kabaw pengchung i khua a sa mi Chin (Hakha) holh aa hrawmmi diklak caah a si. A thinhmi cu;
(a). Kalay-Kabaw Area peng ummi chiat ni, that ni cawlcanghnak riantuan, i zohkhenh le i bawmh ding.
(b). Chin zatlang nun le nunphung kilven le thanchoter
(c). Kalay-Kabaw peng chung mino hna rithaisii dohnak rian le nun ziadawh i an nun khawh nakhnga riantuan ding
(d). Chin mino a lamkip in thanchonak caah cawlcangh ding
(e). Miphun nih a tonmi thil pakhat khat kongkau ah ruahnak i peknak le i tanpi ding an si.
“Nihin ramchung le ramleng, minobu kip i pehtlai in Kalay-Kabaw Chin miphun zatlang nun thanchonter ding lam ser aa tim. Cucaah Chin (Hakha) holh aa hrawmmi kilvennak caah mipi kan rian Lungrualnak hi thazaang a si an ti bang, mi tlawmte a simi Chin (Hakha) hna kan thazaang a thawn khawhnak le lungrualte in kan miphun caah kan i bawmhcio ah cun aho mi van a hai ding kan si lo” tiah Dr. Salai Khin Maung Thein nih a biapeh ah a chimchih.
About The Author
