Chinland FC nih Kawl Bawh Thar Htun Aung Kyaw An Cawk Chap

Salai David Van|TCP-Hakha| 2021 January 28| Chinmi ai awh Chinland FC nih kum thum biakam minthutnak  he Chin United Kawlbawh Htun Aung Kyaw an cawk tiah theih a si.

Chinland FC nih 2021 bawlung chuih kum ah a voi(1)nak bik mithar an cawknak ah 2021-2023 tiang kum thum chung  biakamnak he Chin United kawl bawh Htun Aung Kyaw an cawk tiah theih a si.

Kum 24 a si cang mi Htun Aung Kyaw hi Horizon FC kum no team ah 2014-2016 tiang a celh, 2017-2018 kum ah Yangon United FC kum no team ah a rak celhmi a si. Cun 2018-2019 kum ah Sagaing United FC kum upa team ah a celh i 2019-2020 kum ah Chin united FC ah a rak I celh mi bawl bawh thiam a si.

Chinland FC nih hin mithar cawk chap an i tim rih i mipi zong nih thazaang kan pe peng ko rih ulaw nih an mah facebook official page ah an langhter.

Chinland FC cu Mynmar ram chungah  chinmi ai awh bawling team an si i 2020 Myanmar National Leauge-II I celhnak ah mark tha bik in champion a ngah ding an si nain Covid-19 pulrai ruangah bawlung chuih an peh khawh ti lo caah an i ruahchanmi champion cu an la kho lo tiah theih a si. Ref: Chinland FC Facebook Page

Na ruahning rak langhter ve.. (Leave a comment)

%d bloggers like this: