Chinram Ah Covid-19 Zawtnak Hrik Ngei 307 An Si Cang
Chin State COVID Hrik Ngei Total/MOHS
Salai Bawi Lian Sang| TCP-Kalay| January 16, 2021| Chin ramkulh chung Covid-19 hrik ngei, 2020, March thla 23 in 2021, January 14 tiang minung(307) le A thimi (3) an si tiah Rampi ngandamnak le lentecelhnak zungpi( Ministry of Health and Sport Myanmar) nih January14, 2021 ah a langhter.
Tedim peng=127, Paletwah peng=28, Tonzang peng=24, Mindat peng=43, Matupi peng=29, Hakkha peng=23, Falam peng=21, Kapetlet peng=7, Thantlang peng=7, an dihlak(307) le a thimi (3) an si tiah theih a si.
Chin ramkulh Covid-19 pulral runvennak cu peng kip cio ah pulrai runvennak tawlrelnak committee an ngei cio. Mah pengkip committee nih khualutnak check-gate ah ramchung ramleng/ramthen I lut mi hna cu facility Quarantine Ni(14) chiah in swab test tuah an si. Thilphorh motor mawng Driver le hnuzual pawl cu minute (15) can pek in Rabid Test Kit an si. Zawtnak hrik hmuhmi hna cu Facility Quarantine ah swab test an tuah chap hna.
Facility Quarantine umnak kip ah Hrik thah si kap nak le thianghlinhnak zong tuah a si. Facility Quarantine alutmi pakhat ei-din nak ah Chinram cozah nih nikhat kyat (3500) cu ni 14 ei-dinnak ah kyat (49,000)bawmhnak a pek hna.
ASEAN ram (3) Covid-19 bawmhnak ah Myanmar ram aa tel ve i(APTERR) Programme(3)nak ah S. Korea ram pekmi facang Ton(600) chung in Rampi cozah nih Chinram kulh Cinthlak lei zung in Chin cozah sin ah Ton(8) facang tun(200) peknak programe zong 2021, January(8) zanlei 4:00pm ah Chin cozah zung ah an tuah. Mah bawmhnak facang cu Tedim peng Tuithang khua ah tun(100) le Paletwa peng ah Facang tun(100) an pek hna tiah theih a si.
Chinram luhmuhzi zung nih kum (5) tang ngakchia hna le Kum(60)cung upa pakhat cio ah kyat(30,000)bawmhnak a pek hna tiah Hakha Information zung in thawng zamh nak a tuah.
Myanmar ram January 15, 2021 tiang covid-19 hrik ngei 133,378, Siizung a tum cang mi(116,610), a thimi (2926) an si. Ref: Ministry of Health and Sports, Myanmar, IPRD- Chin/Taungzalet Time
