CHINRAM AH VETIVER HRAMH KUNG 100,000 RENGLO AN CIN CANG

City Hunter| 2018 April 24| Kokek harnak kan ton hnu in Australia um Chin miphun hna nih vawlei fekte in a tlai khomi Vetiver hramh kung cu Hakha Kodawn le Bualtak khua ah kung 300 cu cin hram thawk a rak si. Kumkhat hnu ah Vetiver kung cu a nun caah atu ahcun Chinram ah kung 100,000 (singkhat) renglo an cin cang.

1. HBA Kung 2500,
2. HBC Kung 2500,
3. Zion Kung 2500,
4. CARD Kung 2500,
5. Dawrhlun Sang Kung 2500,
6. Khuahlun Sang kung 6600,
7. Tedim Kung 2500,
8. Matupi Kung 1000,
9. RC Khrihfabu Hakha Kung 1200,
10. Hmailei ca ci erh mi Kung 1200 hna hi man lo te in cinter an rak si.

hramh kung an cinmi

Laimi nih kan i bochan mi le kan ram le kan miphun a dawtu Pu Henry Van Thio cu bawmhnak kan rak hal i, Vice president asi hnu in a voikhat nak Laitlang a tlawn ah mizapi he ton biaruahnak (7th February 2017 ) ah Vetiver Hramh kung hi tampi in Laitlang ah nan cin lai tiah a rak cah hna.

Cu lawng silo in Naypyidaw Acozah le Laitlang lei Acozah zong Vetiver Hramh a thatnak le tampi cinnak ding kong a rak chim hna. Atu lio ah Myanmar Vetiver network in U San Win le a hawile nih Surbung Vanlawng Bual ah Vetiver kung Singkhat ( 100,000 ) leng an cin liopi asi.

Pu Henry Van Thio nih Australia i Chin Miphun hna hi Ram a dawmi le miphun a dawttu nan si tiah a rat kan ti. Australia Chin Miphun hna nih chunmang kan manhmi cu kan miphun le kan ram caah BAWI nih thluachuah pe chin ko seh. (Report by Pu Renny Ceu Lian Mang)

Chin Charity Inc Chairman Pu Renny Ceu Lian Mang hi Australia Chin Federation Inc ah Vice Chairman rian a tuan chih cuahmahmi zong a si. Chin Charity Inc cu Western Australia, Perth ah dirhmi zatlang bu a si. Australia rampi huap in dirhmi Australia Chin Federation he pehtlaihnak thate in a ngei i rian a tuantimi bu a si.

“Australia ah hram a bunhmi Chin zatlang bu Chin Charity Inc pehtlaihpiak nak thawng in Australia ram company 8 ah Laimi 300 hrawng nih rian an hmuh cang. Hi chung in Vok thahnak company pakhat lawng bak ah Laimi 100 leng rian an tuan. Kanmah Chin Charity nih an pehtlaihpiakmi hna paoh cu interview tuah an hau lo. Interview tuah hau lo in rian an pek hna. Kanmah pehtlaihpiak nakin rian a hmumi Cung Lian Thang cu company nih supervisor rian tiang a tlai kho cang i suimilam pakhat ah dollar 35 tiang a hmu kho cang. Chungkhar auhnak rian ahhin nupa khuah 14 leng auhnak le laaknak kan tawlrelpiak cang hna” tiah Chin Charity Inc Chairman Pu Renny Ceu Lian Mang nih The Chinland Post ah a chim.

Na ruahning rak langhter ve.. (Leave a comment)

%d bloggers like this: