Chinram Le Sagaingram Ramri Tahnak Le Lungphunnak An Tuah Cuahmah
Chinram le Sagaing Ramri Tung/ Khonumtung
Salai Bawi Lian Sang| TCP-Kalay| January 15, 2021|Chinram le Sagaingram ramri cu Mirang chan ah an rak tuah mi ning in hlathlainak le kawl hawlnak an tuah than tik ah ramri tung (BP 1 in 10) tiang an hmunh i an lungtling ko tiah theih a si.
1938 kum Mirang chan lio Chinram le Sagaingram ramri tung (BP-21) an rak tuah. Mah tung pawl cu an kawl tik ah a tu BP 10 tiang hmuh a si cang. Thlakhat ah tung (5) bunh kan i tim tiah Kalay pengkomh bawi U Khin Maung Cho nih a chim.
A tu December, January, February in March thla tiang thlakhat tung (5) in tuah a si ah cun March thla ah cun tung (6) a tu kan tuah mi hi a hohmanh sunghnak ding a um lo i hmai lei can thatnak a chuahpi ding mi a si lai caah peng khat le khuakhat zong daihnak a chuahpi lai i thiltha a si” tiah pengkulh bawi nih a chim chih.
Mah ramri tung kawlhawlnak cu Naypidaw in vawlei tahnak zung hruainak in Chinram cozah phu, Sagaing ramthen kalaymyo pengkulh phu, Thinkung ramsa zohkhenhnak (Forestry Department) hna le ramri um khuate um khuabawi pawl komh in ramri tung an tuah mi a si.
Chinram le Sagaing ram rampi tung (BP 1 in 5) tiang cu Nikum 2020 kum December thla ah congarate in lungphunnak tuah a si i, a tu (BP tung 6 in 10) tiang hi January thla chung ah tuah a si lai.
A tu ramri lungphun pawl hi 1938 kum mirang cozah nih nawlchuahnak ca no. (680) le (lehhmanh 1ah mile 4 scale) in an rak suaimi (Map) zoh pah in kawlhawlnak tuah a si tiah theih a si. Crd: Khonumtung
About The Author
