Chinram Siangsangrun 207 Chungin  Sianginn A On Khawh mi(21) Lawng An Si Rih

0

Salai Bawi Lian Sang| TCP-Kalay| July 25, 2020| Chinram Coronavirus Disease 2019 (COVID-19) pulrai runvennak committee nih Siangsangrun(High School) hna cu Ngandamnak le lentecelhnak minister zung nawlchuahnak ningin sianginn onnak nawl kong ceihhmainak cu Chinram cozah zung ah July 23, 2020 ah an tuah. Mah meeting ah Chief Minister  U Salai Lian Luai nih bia chimnak a ngei i minster dang  pawl le Ramkulh hunhimnak Minister Colonel Han Win Aung hna zong nih an mah le tuanvo lak ning cio in bia chimnak le Chinram chung Siangsangrun vialte sianginn on khawhnak ding kong ceihhmainak an ngei cio hna tiah thawng kan theih.

Nihin Chinram ah Siangsangrun(High School) 207 an um i, July 23, 2020 tiang ah A level a hmu mi sianginn 42 nih sianginn on khawhnak nawl an halmi chungin sianginn 21 nih sianginn an on kho. Sianginn 21 nih on khawhnak nawl an hal lio a si. Sianginn onnak nawl a hmu cangmi chungin Hakha khua ah Siangsangrun (4) an i tel. Grade-11 le Grade 10 lawng cacawn khawh a si rih. Cacawn can hi a pakhatkhat group cu ni(7) ca an cawn hnu ah apahnihnak group cu ni(7) an cawn lai i group pakhat hi zarhhnih dan in cacawn a si lai. Cacawn can hi nikhat ah a can (Time 5) time khat ah 45minute an cawn. Cacawn hlan ah siangngakchia pawl kuttawlnak, Mask le Face Shied pawl le Thermometer testnak tuah an si. Sianginn kham chungah peruk dang in thutter an si tiah thawng kan theih.  Cun, sainginn a on kho riih lomi, a tangrih mi sianginn vialte zong on kho ding in nawl an hal lio a si tiah Chinram Fimthiamnak zung in thawng theih a si. Ref: IPRD Chin

About The Author

Na ruahning rak langhter ve.. (Leave a comment)

%d bloggers like this: