Chinram Tanghra Result: Minung Pahnih Nih 5D An Hmuh

0

City Hunter| 2018 June 2| 2018 kum Chin ramkulh tanghra result cu June 2 ah a chuak cang. Myanmar ramchung ah Chin ramkulh tanghra result a chia bik, zatuak 16.64% lawng an awng. Chin ramkulh ah Paletwa hi result a chia bik, zatuak 4.25% lawng an awng. Tukum Chin ramkulh ah Distinction tambik hmutu cu 5D in minung pahnih an si tiah kan theih.

2018 kum Chin ramkulh ah tanghra result a tha bik cu Falam pen an si, zatuak 23.43% an awng. A changtu ah Mindat peng an si, zatuak 22.17% an awng. Nikum ahcun Hakha peng an tha bik. Result a chia bikmi cu nikum he tukum he Paletwa an si, zatuak 4.25% lawng an awng. A changtu cu Thantlang peng an si, zatuak 12.70% an si.

2018 Kum Chinram Pengkip Tanghra Result
Hakha: Minung 1054 an phi i 395 (21.87%) an awng. Distinction hmutu hna cu; 5D- 2, 4D-3, 3D -2, 2D- 4, 1D- 38 an si.
Thantlang: Minung 166 an phi i 38 (12.71%) an awng. Distinction hi minung pakhatte lawng nih 1D a hmuh.
Falam: Minung 1037 an phi i 243 (23.43%) an awng. Distinction hmutu hna cu; 3D-3, 2D-7 le 1D- 31 an si.
Tedim: Minung 1868 an phi i 372 (19.91%) an awng. Distinction hmutu hna cu; 3D-2, 2D- 7 le 1D-96 an si.
Tonzang: Minung 439 an phi i 61 (13.90%) an awng. Distinction hmutu hna cu; 2D-1 le 1D-9 an si.
Mindat: Minung 1087 an phi i 241 (22.17%) an awng. Distinction hmutu hna cu; 2D-4 le 1D-32 an si.
Matupi: Minung 1143 an phi i 147 (12.86%) an awng. Distinction hmutu hi 1D in 13 lawng an si.
Kanpetlet: Minung 582 an phi i 115 (19.76%) an awng. Distinction hmutu hna cu; 3D-2, 2D-4 le 1D-15 an si.
Paletwa: Minung 1906 an phi i 81 (4.25%) an awng. Distinction hmutu hi 2D pakhat le 1D hmutu 6 an si.

2018 Chin state tanghra result

2017 Kum Chin Ramkulh Tanghra Result
2017 kum Chin ramkulh in tanghra camipuai a phitu zapi hi 9725 an si, hi chung ah 1852 (zatuak 19.04%) an awng. 2017 kum Chin ramkulh pengkip in tanghra sungh/awn result zatuak in a tha bikmi cu; 25.99% in Hakha peng a si. A changtu cu zatuak 24.79% in Kanpetlet peng an si.

2017 kum Chin ramkulh pengkip in sungh/awn result a chia bikmi cu; zatuak 8.19% in Paletwa an si. A changtu cu zatuak 9.72% in Tonzang peng an si. 2017 kum Chin ramkulh in 4D hi a sang bik distinction an rak hmuhmi a si.

Kawlram chung ah zatuak in tanghra result a tha bikmi cu; Ramleng (foreign) cachek zung a si, zatuak 44.83% an awng. Ramkulh le ramthen in result a tha bikmi cu; Mandalay ramthen an si, zatuak 38.17% an awng. 2018 kum zatuak in Myanmar ram pumpi tanghra awng result cu nikum nakin a tum deuh, 32.82% lawng an si. Nikum ahcun 33.89% an awng.

2018 Myanmar rampi tanghra result

A Luancia Kum 12 Chung Tanghra Result
A luancia kum 12 chung Chin ramkulh tanghra camipuai result kan zoh than tikah 2017 kum hi sungh/awn result a that bik kum a si. 9,725 an phi i 1852 (19.04%) an awng. 2006 in 2016 tiang Chin ramkulh tanghra sungh/awn result cuanh than tikah camipuai a awngmi zatuak 19% an phan bal lo.

Chinram Tanghra Result A Tha Bik Kum
Chin ramkulh i tanghra awngmi zatuak a that bik hna kum cu; 1986 kum zatuak 22.78%, 1988 kum ah zatuak 29.28%, 1990 kum ah zatuak 38.07%, 1993 km ah zatuak 30.4%, 1994 kum ah zatuak 32.82%, 1995 kum ah zatuak 24.32%, 1997 kum ah zatuak 28.7%, 1998 kum ah zatuak 48.35%, 1999 kum ah zatuak 20.77, 2003 kum ah zatuak 20.39%, 2004 kum ah zatuak 24.70% le 2005 kum ah zatuak 30.04% an si. Chinram ah tanghra sungh/awn result a that bik kum cu Hakha ah Myanmar rampi dirhmun in Siangngakchia Puai (cawng-ta-puai-daw) tuah kum 1998 lio a si, zatuak 48.35% an rak awng.

About The Author

Na ruahning rak langhter ve.. (Leave a comment)

%d bloggers like this: