Chinram Telh In Ramthen 9 Ah Kum 5 Chung Ngandamnak Lei Caah Ks. Sing 7000 An Hman Lai
The Chinland Post| 2019 March 4| Chin ramkulh telh in ramkulh le ramthen 9 ah kum 5 chung ngandamnak lei zohkhenhnak riantuan caah ks. sing 7000 hman a si lai tiah Myanmar ram Ngandamnak lei phu haotu U Ye Tui nih a chim.
“Kum 5 simanking a si ko nain a dih tikah pehtlai in tuahchap khawhnak ding kan tuah lai. Tukum June thla ah thawk ding kan timh” tiah U Ye Tui nih a chim.
Hi simanking an tuannak ding hmun hna cu; Chin, Kachin, Rakhine, Shan, Sagaing, Magwe, Mandalay, Yangon le Kayin in peng 76 ah 2019-2023 (kum 5 chung) tiang project an tuan lai. Nu, ngakchia, kumhra bu, aa thialkammi, tar, sifak harsami umnak tibantuk hmun ah papek in an tuan lai.
I chawnh khawhmi zawtnak, i chawnh khawh lomi zawtnak tibantuk dohnak, fapawi u le ngandamnak, vitamen, ti le thianhhlimnak, ngandamnak phunglam cawisannak le lakhruak riantuannak pawl an tuahtuan lai.
Myanmar rampi ngandamnak phu-MHAA cu 1953 in thawkmi a si. Ngandamnak lei cawisannak, zawtnak runvennak le dohnak, mizapi ngandamnak service hmuh khawhnak ding a tuanmi ngandamnak lei thiamsang hna nih sermi ramchung bu a si.
Ref: 7Day News
About The Author
