Chinshwehaw, Phaungsai le Kyokauk Cu Kan Sung Cang Ko Tiah Zaw Min Htun Nih A Phuan
The Chinland Post | 2023 November 2 — Operation 1027 a ni sarihnak ni ah Chinshwehaw, Phaungsai, Kyokuk (Pansai) khua hna cu kan sung cang ko tiah ralkap lei thawngthanhnak ṭuanvo ngeitu Zaw Min Htun nih a phuan.
November 1 ah ralkap phu chimphuannak nawl a ngeitu Zaw Min Htun nih Shan ram chaklei ah a cang mi kahdohnak kong fianternak a tuah lio ah ralkap nih khua 3 cu kan sung cang ko tiah fiang tein a phuan.
“Atulio ah cozah, uknak phu, himnak phu pawl nih an sungh cang mi hmunhma pawl a um. Cu hna cu Chinshwehaw, Phaungsai, Kyokauk hna khua 3 hi an si” tiah a chim.
Chaklei unau hawikom phu 3 lei ralram kahdohnak hmun in an chim ning ahcun, October 27 in November 2 tiang Operation 1027 ni 7 chung ah khua 4 an lak cang i Chinshwehaw, Theindi, Phaungsai le Kyokauk (Pansai) hna zong kan uk khawh dih cang tiah an langhter.
