USA Southport le Perry High School Cathiambik Top (40) Ah Chin Siangsangruun (16) An I Tel

southport high school top 40/ Lian Thawng

TCP-Hakha| 2020 May 24| Nihin USA Indiana state, Perry peng um Perry High School le Southport High School Graduate mi minung (1000) deng lakah Cathiam bik minung Top 40 thimmi ah US um Chin Siangsangruun minung (16) an itel ve. Teinak a hmumi minung za leng an si tiah kan theih. Cu chungah Southport High School kai Thantlang peng Ngalang khuami Pu Ngun Kung le Pi Sui Hlei fapa Christian Duh Hmung Thang cu cathiam bik lei thimmi Rank 4th| Top(4) GPA (4.6)ah aa tel ve tiah kan theih.

Indiana State, Perry peng ahhin Perry Public School le Southport High School pahnih ahhin cathiam bik timi Top (40) an thimmi siangngakchia chungah Chin siangngakchia Perry in minung (9), Southport in minung (7) an zapi Chin Siangsangruun siangngakchia 16 (45%) tluk an itel tiah theih a si.

Chirstian Duh Hmung Thang

“US High School mark pekning Grade Point Average (GPA) hi asangbik 4.0 (A+) pek a sitawn i 4.6 a ngah hi cu cathiam lawng silo in sinak thiamnak kip a tlinhmi lawng nih an hmuh khawhmi a si. Indiana State, Perry peng ah Perry Public School le Southport High School pahnih minthang kan ngeimi a si i Top minung (40) thimmi ah Chin mi hi 16 kan itel lai tiah ka ruah” tiin US Indiana State a ummi Salai Thawng Thawng nih The Chinland Post ah a chim.

“Christian Duh Hmung Thang hi anau Albert Van Neih Thang Ca lei lawng silo in pumpululh (soccer) lei a huam ngaimi an si. US ka phak ka in hitluk thiamnak lei minthatnak ka thei bal lo tikah  lawmhpi lo awk atha hrim lo. Top 1-3 hi Mirang lei an si tiah ka theih. Hi bantuk laksawng a ngah tikah kan khua, Zophei tlang, kan miphun min thatter tu zong a si. Hmailei atang rih mi College akai nak zongah Bawipa nih lam hruai chin hram seh. Amah hi mi nun nem, Nu le Pa bia ngai te asi i an Church zongah bochan mi le an hman ngai mi a si. Apa Pu Ngun Kung  hi 1989 ah CNF/A a lut i duhtainghmu tiang a rak tuan bal, 2006 officially tein a dinmi I US a phanmi an si. Pathian thluachuah a si ko” tiah a pu Pa Siang nih The Chinland Post ah a chim.

Perry high school top 40 by Lianthawng

College sianginn a kainak ding cu Indiana University Bloomington ah Mathematics major, Rank(4) GPA(4.6) full scholarship sinak in a kai te lai tiah thawng kan theih.

Na ruahning rak langhter ve.. (Leave a comment)

%d bloggers like this: