Christmas le Kumthar hlunghlai tuk in tuah lo ding tiah HCMF nih a thanh

0

The Chinland Post | 2022 November 16 – Chin ramkulh, Hakha khua ah Christmas le Kumthar hlunghlai tuk in tuah lo ding tiah HCMF nih a thanh.

A rauh hlan ah Khrihfa mi hna nih kan sunsak tuk mi Christmas le Kumthar caah biakinn leng le a pawngkam ṭamhmoihnak, khuachung, sang le veng ṭamhmoihnak hna tuah lo ding, sang kip ah zaanriah dumṭinak tuah lo ding le mah le biakinn cio lawng ah pumh le thangṭhatnak tuah ding in HCMF nih November 11 ah cathanh a chuah.

“Christmas le Kumthar kan tuah tik ah biakinn le sang hna ah sathah in rawl hrawmnak tuah lo ding, Carol vah lo ding, biakinn leng ṭamhmoih lo ding. Asinain Biakinn chung le innchung ahcun ṭamhmoih khawh a si ko timi pawl kha bia kan khiah” tiah Pastor pakhat nih a chim.

Covid zawtnak le hramhram in uknak lak a si ruang ah Hakha khua ah Christmas le Kumthar hlunghlai tein an hman khawh lo nak hi kum 2 a si cang i tu kum zong ah hramkhel buainak ruang ah hlunghlai tak in tuah lo ding tiah atu bantuk in an thanh hi a si.

About The Author

Na ruahning rak langhter ve.. (Leave a comment)

%d bloggers like this: