CHRO nih UN Human Rights Lutlai Comissioner Tonbiaruahnak An Ngeih

2022 January 28 — United Nations nih ram 47 chungtel in a dirh mi Human Rights Council ah lutlaitu a tuan lio mi High Comissioner Michelle Bachelet nih Ramkomh Kawlram kongkau he pehtlai in Chin Human Rights Organization (CHRO) le Kawlram nuhrin covo bu paruk nih 2022 January 27 ah ‘Zoom Conference’ in tonbiaruahnak a ngeih hna tiah kan theih.

Hi tonbiaruahnak cu Office of the United Nation High Comissioner for Human Rights (OHCHR) lutlai Comissiner Michelle Bachelet nih ram 47 he Kawlram kong biaruahnak a ngeih hlan ah Kawlram kong fian deuh in a chim khawh nakding le UN nih Kawlram kongkau ah faak deuh in hmai a nor khawh nak caah a si.

Tonnak ah aa tel mi CHRO in Program Director pakhat Salai Mang Hre Lian nih, “Human Rights Council he Kawlram kong ceihmainak kan ngeih hlan paoh ah Kawlram mi pumpak in ton khawh hi kan zuam lengmang cang hna lai. Tuah khawhnak “Mandate” ka ngeih mi chung in Kawlram kong tawlrel khawhnak kaa zuam lai. A bik in Asia ram in Japan le Korea le ASEAN ram nih Kawlram kong faak deuh in an i zuam i, NUG zong cozah sinak in an pom khawh ding hi a bik in kaa zuam lai,” tiin a kan chimh tiah a chim.

“Amah sin ah Kawlram in minung 7 nih biachimhnak kan ngei. Minung pakhat nih mins 5 lawng chimnak caan an kan pek. Amah Mandate tang ah a ummi Independent Investigation Mechanism for Myanmar (IIMM) sin ah CHRO nih Kawl ralkap nih nuhrin covo an buarnak le konglam vialte cu kan kuat cia dih. Cu pawl cu thate in ka zoh dih in Kawl ralkap nih an buarmi le an sualnak vialte tuanvo (accountable) an laknak ah faakpi in kan i zuam lai a ti,” tiah Salai Mang Hre Lian nih a peh.

CHRO nih Chin miphun kongkau ah nuhrin covo burnak he pehtlai in, UN nih Ramkomh Kawlram kong ah tlangtlatu, ngiathlaitu a sermi phu FFM, IIMM tbk. le a dang UN zung pawl UNHCR telh in caanhman tein pehtlaihnak ngeih in, miphun kong ah chimrelnak an ngeih lengmang tawnmi a si. #

A tanglei ah, Salai Mang Hre Lian nih CHRO aiawh in chimmi Mirangca in rel khawh a si: 

1 thought on “CHRO nih UN Human Rights Lutlai Comissioner Tonbiaruahnak An Ngeih

Na ruahning rak langhter ve.. (Leave a comment)

%d bloggers like this: