Chungcung Khuami Nih Zinghmuh Tlang Kong He Pehtlai In Hakha Ah Dohkalhnak Lam An Zawh Lai

TCP-Hakha | 2018 Tho 25|ย Chuncung khuami nih Zinghmuh tlang le Lai Tili kong he pehtlai in aralaimi October 29, Hakha khuapi chung ah dohkalhnak lam an zawh lai. Lamzawh ding in cozah sin ah phungningte in ca an chiah cang tiah kan theih.

Hi kong he pehtlai in Chuncung khuami Pastor nih, โ€œKhuami hnatlaknak tel lo hramhram in Chuncung ram a simi Zinghmuh tlang cu cozah National Park tuah an timh ruang ah siseh, Zinghmuh tlang cung i kokek Lai tili le pangpar vialte hrawh dih in hramhram in tili an dilmi kan ngolpiak uh ti saduhthahnak nganpi he a ralaimi October 29, suimilam 10:30am in Hakha khuapi chung ah dohkalhnak lamzawh ding in cozah sin ah ca kan chiah cangโ€ tiah The Chinland Post ah a chim.

Lamzawh ding in cozah sin ca an chiahmi ah an langhtermi cu; Hakha Khuathar sang, Thantlang lampial in Hakha lamtonnak (Suimilam tung umnak) tiang minung 350 hrawng nih October 29, suimilam 10:30 ah an zawh lai.

Lamzawh tikah an aupi dingi le catar an i put dingmi cu; 1). Chuncung khuami ramchung Zinghmuhtlang thluan hi National Park chung ah telpiak kan duh lo, 2). Timit hrampi a simi Lai Tili dilpiak kan duh lo, 3). Khuami hnatlaknak tel lo, hramhram in riantuan kan duh lo timi hi an si lai.

Chin ramkulh cozah nih Zinghmuh Tlang National Park tuah dingah a timhlamhmi hi Hakha peng, Falam peng, le Thlantlang peng pathum ram chungah a ummi a si. Hakha peng, Chuncung ram hi ekah 7756 aa tel, Falam peng hi ekah 6809 aa tel, Thlantlang peng hi ekah 5372 aa tel. Chuncung nih an dohkalhmi hi anmah an ramchung ekah 7756 hi kan kan dohkalhmi a si tiah kan theih.

Hi kong he pehtlai in Chin ramkulh cozah lei nih cun National Park cu ramkomh cozah nih tawlrelmi a si caah ramkomh cozah lam hmuhsakning he pehzulh in kan tawlrel ko lai ti ah an chim.

Na ruahning rak langhter ve.. (Leave a comment)

%d bloggers like this: