Cinthlaknak Zung Nih May 6 In Tangka Cawih Tawnmi Rian An Thok Lai
TCP-Thantlang|2019-May-2| Rampi huap in cinthlaknak zung nih fur caan ah tangka cawihtawn mi cu 2019 May thla 6 ni in an thok lai tiah tuanvo ngeitu sinin kan theih.
Kumtin tangka cawih mi May 6 in September thla dih tiang cawihnak a caan rikhiah a si i 2020 kum April 15 a hnubik rikhiah in chamthan a si lai tiah rampi cinthlaknak zung Bank tuanvo ngeitu nih a chim.
Hi tangka cawih ning cu leikuang ekah pakhat a ngeimi caah sing khat le cheu (150,000), a dangdang dumhau ngeimi le pungsan (7) ngei mi hna cu ekah pakhat caah sing khat (100,000) tiin kumdang bantuk in tangka cawih an si lai.
“Cazin cu an kan lak cang i tangka cawihnak ding ca tlap zong an kan pek. Kei mah ka dum hi ekah 20 tluk a kau, Chi ka cin hna i a tu tangka cawih ding cu ekah khat ah 100,000 lawng a si caah riantuan tu hna ni hlawh, thlaikheu nih a herh mi Non hna cawk a hauh lai caah tangka an kan cawih ding hi a tlawm deuh ko.” tiah Pagoko khua lothlo U Win Naing nih a chim.
A tu lio cozah nih hi tangka cawihnak cu 2016-2017 kum ah facang cinnak ekah khat ah 100,000 in 150,000, a dangdang cinthlaknak dum hau caah 2017-2018 kum ah 20,000 in 50,000 ah, 2018-2019 kum ah 50,000 in 100,000 tiang tangka cawih mi cu voi thum tiang leikung le dumhau a ngei mi hna caah a sanhpiak cang hna tiah kan theih.
Leikuang le dumhau ngeimi hna nih tuanvo ngeitu khuabawi hna sin ah chim in a rannak in tangka cawih khawhnak ca tuah khawh le chimh khawh kan si tiah cinthlaknak lei zung nih thawngthanh nak an tuah. (Ref: The Voice)
About The Author
