CNA/F Ah Training Kai Lomi Paoh Tangka Liamter Timi Cu Thawngdik Lo A Si; Pu Ral Hnin

Salai Elvis| 2018 November 1| Social Media ah a hung lang ngaimi ‘CNA/F nih Laitlang khuate ah a ummi kan ta le kan naule (tlangval) a simi paoh Training rak kai hna seh, a kal lo mi paoh tangka 10,000 liam hna seh an ti hna’ timi thawngpang cu a diklo mi a si tiah Thantlang CNA/F zung tuanvo ngeitu pakhat nih a chim.

“Mah thawngpang cu a si lomi thawng a si. Tuzingka ah ka hmuh ve, thawng diklo cu a dih tiang hmanh ka rel zuam lo” tiah Thantlang Liaison Office tuanvo ngeitu Pu Ral Hnin nih The Chinland Post ah a chim.

Social Media chung a langhning ah “CNA/F nih Laitlang Khuate ah a ummi kan Tta le kan naule (tlangval) asimi paohpaoh Training rak kai hna seh an ti hna. Akaicang mi zong an um hna, a kal kho lomi zong an um hna. A kal lomi paoh Tangka Thonghra (10,000 kyat ) liam hna seh an ti hna. Ka ruahnak ah cun, an khuakhan dan hi anmah nih cun atha cem ning cun an khan ko lai nain a rumro lo in Training auh le an kal Lo asi le tangka an liamter mi hna hi cu ka lungtlinglo ngai. Khuate lei Nu le Pa caah tangka fangkhat lak hmanh a fawilo. An thiltuah dan hi ka lung cu tling lo tatak si. An duh na lo in Ralkap i luhter phun khi a lo. Ram le miphun cu Ralkap va luh thengtheng lo zongin dawt khawh ciò si ko. Kan ta le tete a hramhram in an kawh auh mi hna lam cu an hman bak loh” tiah mi pakhat nih a tial mi cu Online Media cheukhat hna nih an phozarh colh ve.

Mah thawngpang tialmi Comment cheukhat ah “a tha tuk mi thil a si ko, Lai ralkap kan tam le kan i nuam lai. Pa lawng hlah nu zong kaiter ve hna seh, ramdang ummi zong phundang in kan tang ve lai. Cun pakhat nih tangka 10,000 ti a si lo, singkhat (100,000) liamter ding an ti.

Atu bantuk an thilti le an ruahnak hi cu ram ca riantun mi le ruahnak ngeimi zong an lo loh” ti a phunphun in Comment a tialmi zong an um len.

Hikong ah pumpak in mah thawngpang a thlahtu cu TCP nih biafiang hngalh duh ah kan pehtlaih nain an kan let rih lo.

Na ruahning rak langhter ve.. (Leave a comment)

%d bloggers like this: