CNF/A A Nungmi Dothlennak Tuanbia (RO_The Heritage Documentary) Episode (1) Tuahmi Online Zapi Zoh Khawh Ding Thlah A Si Cang

Salai Josephbawi| 2020 March 7| Chin National Front/Army nih Chin miphun zalonnak le hmailei mah te khuakhan lairelnak caah dothlennak an tuahmi kong he pehtlai in A Nungmi Dothlennak tuanbia (Ro_The Heritage Documentary) an tuahmi cu Online in zapi zoh khawh dingin thlah a si cang tiah  Director of RO_The Heritage a simi Salai Tialbawiling sin in kan theih. Youtube link Click

“2015 kum CNF up ate Thailand meeting an tuah lio ah anmah CNF upa hna bik in CNF Chairman Pu Zing Cung ruahnak le thapeknak in RO timi min pek in k arak tuahmi a si. Episode 1 lawng a si rih. Hmailei tangka kan ngei i caan kan ngei rih ahcun chuahthan kan itim. CNF upate Thailand, India le Kawlram ka tlawng dih nain ka bangh khawhlomi ka telh khawh rihlomi zong an um. Cheukhat nih a kan liamtak cang. Hmailei kan chuah ahcun tling deuh in chuah khawh ka zuam lai. Miphun caah a sunglawi tukmi dothlennak a si caah “RO” tiah min kan peknak a si” tiah RO_The Heritage Director Salai Tialbawiling nih The Chinland Post ah a chim.

“Hi chuahnak caah tangka lei a ka bawmtu Bawi Lian ( KoKo Lay), CNF Chairman Pu Zing Cung, Chinland Club_USA, fimthiamnak lei a ka bawmtu Dr.Siang Lian Sang( Siangbawi) English sub-title le OST theme song tharchuah tu Romeo Thawng Za Thang( Lunglung) California State University of Fuller cung le min langhterlomi hawikom dawtu tampi cungah lunglawmhnak bia chim ka duh ko. Miphun caah RO video thlakmi a si caah aho paoh nih phawtzamh le thlah khawh cio a si. Asinain mah duhmi tan in thlah bel cu ka duh lai lo. International Standard in chuah ding timtuahnak ka rak ngei nain tangka lei chambau ruangah lungduh in ka chuah kho rihlo. Europe, Austrailai le USA chung ah kan zuar nain 50% hrawng cu phaisa fang in ka hmu i atangmi cu a rak vaivuan. Episode 2 kan chuah tik tu ah tha deuh in kan izuam lai”tiah a biapeh ah a chim.

Hi RO Documentary video hi 2015 ah an rak tuah i 2016 ah chuah a si. Director cu Salai Tialbawiling a si. Life-touch National Studio Maryland, USA ah professional photographer a tuan pah in 2015 ah Howard Community College, Maryland, USA in Photography in degree a lami a si tiah kan theih. RO documentary ahhin CNF upa pawl nih dothlennak kong siseh, CNF an rak thoknak kong le hmailei zeitin dah Chin ram caah chunmang an manh tbk tampi aa tel.

 

 

Na ruahning rak langhter ve.. (Leave a comment)

%d bloggers like this: