CNF; Chin Ralzaam Kong Ah Tuanvo Ngeitu Kan Ton Hna Lai

0

The Chinland Post| 2018 November 29| Malaysia le India um Chin ralzaam kong he pehtlai in tuanvo ngeitu bu hna he tonbiaruahnak kan ngeih lai i a fekmi biaphi chuak kan hmuh tiang kan i zuam lai, tiah Chin National Front (CNF) in General Secretary-3 Pu Htet Ni nih a chim.

“Ramdang phan Chin ralzaam hna nih atu an tonmi harnak daihter khawh ding ah CNF nih UNHCR telh in adang tuanvo ngeitu UN bu pawl le Chin ralzaam an umnak ram cozah kan ton hna lai i a fekmi biaphi chuak kan hmuh tiang i zuam ding hi kan i hmaithlakmi a si” tiah Pu Htet Ni nih a chim.

Chin ralzaam kong he pehtlai in UNHCR nih ramdang phan Chin ralzaam hna caah hngalhpinak le runvenpiaknak cu 2019 December thla ah ngol an timhmi cung ah CNF leikap nih bia takte in an ruah tuk ko nain ramkhel biaruahnak tuah liopi a si ruang ah a fekmi remdaihnak a um rih lomi hi ruahchih a hau tiah a a biepah ah a chimchih.

“CNF nih Chin ralzaam kong he pehtlai in biatak tein kan ruah ko, asinain zapi nih kan i ralrin awk a simi cu atu lio caan hi CNF nih ramkomh cozah he a fekmi remdaihnak sernak caah kahngolnnak kan tuah i ramkhel biaruahnak tuah lio caan a si caah a fekmi remdaihnak kan ngah rih lo ti hi ruahchih lo awk a tha hrimhrim lo” tiah Pu Htet Ni nih a chim.

A luancia November 24, Yangon, Manygone i UNHCR zung ah UNHCR tuanvo ngeitu hna le Yangon hrambunh Chin miphun zatlang bu hruaitu hna ton biaruahnak an ngei. 2018 June 13 ah UNHCR nih, 2019 December in Chin ralzaam donghter (hlawt) dingin thawng na thanhmi kha a lamkip in na ruah tthan i na leet a herh. Ramkip zohkhenhnak a herh tuk liomi Chin ralzaam hna an limhang, an thinlung le taksa himnak caah nuhrin covo le minung zawnruahnak tahfung ningin na zohkhenh hna rih a herh, tiah Chin zatlang bu pawl nih meeting lio ah an chimh.

2018 August thokin UNHCR nih Chin ralzam hlawt a thok cang. UNHCR zungah card/catlap thleng dingin an kal tikah thim awk 2 a pek hna.

1. 2019 December 31 tiang UN card pek i January 1, 2020 in hlawt beh maw na duh deuh, asiloah
2. Ralzaam Dirhmun Biakhiahnak (RSD) interview phit i thla 2 chungah na sungh/awn chimh, na sungh ahcun hlawt beh dah? tiah a hal hna i an i thimmi hoih in card le catlap a pek thluahmah hna.
Ref: Khonumthung

About The Author

Na ruahning rak langhter ve.. (Leave a comment)

%d bloggers like this: