CNF-RC Malaysia Concert Ah CNF General Secretary Salai Thla Hei Nih A Telpi Hna Lai
Salai Elvis| 2019 August 27| August thla dih 31 ni Malaysia ah tuah dingmi CNF-RC avoi thumnak Concert ah CNF General Secretary a tuan lio mi Salai Thla Hei nih a telpi ve hna lai tiah kan theih.
Hi Concert ah ramchung/leng Chin mi chung in hlasak thiam sawm an si. Tutan ah hlasa ding in sawmmi hna cu: Lal Din Thari (Yangon), Ce Ce (Yangon) Lalhlim Puia (Yangon), Van Hlei Sung (New Zealand), Mercy Sung Zathang (Australia) le Malaysia um Chin miphun aw thatha zong an i tel lai tiah theih a si.
“August 31 ni cu Malaysia ram miphun ni a si caah zungkhar ni zong a si, cucaah ram le miphun dawtnak he nan rak chuah cio nak lai le Show kan zoh lai timi nak in ram le miphun caah kaa teltum ve nak a si ti thinlung put he nan chuak cio u” tiah tuanvo ngeitu hna nih thawngthanhnak an tuah.
Tutan Concert tuahmi Ticket cu a hmalei thutnak RM 30 le a hnulei deuh RM 20 tiin zuar a si. Hi Concert cu August 31 (niruk ni) zinglei suimilam 9 in zanlei 5 tiang tuah a si lai tiah kan theih.
(Ref: CNF-Headquarters)
About The Author
