CNLD Hakha Pyithu Hluttaw in Pu Ngun Maung; Amyotha (2) in Pu Robin an i cuh lai

Chin National League for Democracy (CNLD), Hakha peng in Amyotha Hluttaw No. 2 in aa cuhding Pu San Tin Mang cu Hakha Sub-District Comission nih Candidate a apmi ca a tlin lo caah an khirh i amah aiawh in Pu Ngun Maung cu CNLD aiawh in aa cuh than lai tiah thawng kan theih.

CNLD Hakha nih, “2020 August 7 i Hakha District Sub-Election Commission phunglam ning in, Pensen thla (4) a hmuh mi a dih rih lo caah Hakha peng in Amyotha Hluttaw No. (12) in a zuam dingmi Pu San Tin Mang cu tutan thimnak ah a lut kho than lai lo.

Kan miphun caah a tha bik a chuah khawhnak hnga ding caah tiin, Amyotha Hluttaw No. (12) in Pu San Tin Mang cu Pu Robin nih a thlen lai. Cun, Pyithu Hluttaw ah CNLD aiawh in Pu Ngun Maung a si lai,” tiah an Facebook Official Page ah an tar.

CNLD Hakha peng in Pu Ngun Maung cu CE nih an thim lo caah Indendpent in Pyithu Hluttaw ah luh aa tim i, atu bantuk in Pu San Tin Mang a si khawh ti lo caah Pu Robin tu Amyotha ah an tthial i Pu Ngun Maung cu Pyithu Hluttaw ah cuhding in an fehter hi a si.