Commission Haotu: 2018 Kum Ah Ziknawh Eihmuarnak A Tuahtu 46 Tazacuai An Si
TCP-Hakha| 2019 March 24| 2018 kumchung ziknawh eihmuartnak a tuah taktakmi minung 46 taza kan cuai khawh hna tiah ziknawh eihmuarnak dohtu commisstion haotu U Aung Kyi nih March 23, Irrawaddy ramthen Pathien ah tuahmi ziknawh eihmuar dohnak ceihmainak (worshop) ah a chim.
Atu hi minung 46 hi tlamtlingte in tazacuai khawh cagmi asiloah a phi chuak lak tiang tawlel khawh cangmi an si.
2018 kumchung ah lemcang thiam Aung Ye Htwe thihnak case ah ziknawh a latu Yangon ramthen Upadi bawizik hlun U Han Htoo, Eidin le Sii lei kongkau zungpi General Director Dr. Tan Htuat cu ziknawh eihmuarnak case in dantat an si. Ziknawh eihmuar dohnak commission cu chekhlatnak le tazacuainak, ziknawh eihmuar khamnak le fimchimhnak phunthum kemh in rian an tuan. Cu pin ah ramkomh minister 13 ah ziknawh eihmuarnak khamnak phu (Corruption Prevention Unit -CPU) zong dirh in rian an tuan.
A luancia December 7 International Ziknawh Eihmuarnak Dohnak Ni philhlonak caanhmaannak ah Rampi President U Win Myin nih ziknawh eihmuarnak dohnak caah ramkhel lungput (political will) fakpi a ngei i zuamnak le thinlung dihlak in tuan ding in timhtuahna fakpi a rak ngeih cang.
Ref: DVB
About The Author
