Coronavirus Zawtnak Cu Zeidah A Si?

0

Coronavirus cu siibawi te nih an hmuh nakah luchin bantuk in a langmi virus a si caah Mricang ca i corona=luchin bantukin nika le thlapa kulhtu, tiin min an pek.

The Chinland Post- 2020 February 12.

2019 Novel Coronavirus cu zeidah a si?
2019 Novel Coronavirus asilole 2019-nCoV cu thawchuahnak lei he aa pehtlaimi Virus zawtnak phun khat a si. 2019 December thla ah Tuluk ram Wuhan khuapi in aa thokmi a sinak siibawi thiamsang hna nih an hmuh chuah.

Zeidah Novel Coronavirus cu a si?
Novel coronavirus (nCoV) cu zawtnak thar a chuakmi coronavirus a si i kum dang ah a chuak bal lomi a si. Hi 2019 novel coronavirus (2019-nCoV) cu kum dang i a chuak tawnmi coronaviruses phun simi; 229E, NL63, OC43 le HKU1 phun he aa lomi zawtnak a si lo. (Kum dang i a chuak tawnmi coronaviruses cu khuasik asilole lungmit phun in zawtnak aa thok tawn.)

2019-nCoV a hrampi cu zeidah a si?
2019-nCoV coronavirus cu a nganmi (family) zawtnak phun khat a si, cheukhat cu minung pumsa chunglei in aa thokmi an si. A dang cu saram simi :- Kalauk, Chizawh le Papalak hnain aa thokmi zawtnak a si. 2019-nCoV coronavirus cu tuan deuh ah saram in minung ah a kaimi zawtnak bantuk a lo nain atu cu minung le minung ipehtlainak in a chuak cang. Atu tiang ah zeitluk in minung le minung ipehtlainak in a chuak timi bel an kherhhlai kho rih lo.

Coronavirus cu siibawi te nih an hmuh nakah luchin bantuk in a langmi muisam cuang virus a si caah Mricang ca i corona=luchin bantukin nika le thlapa kulhtu, tiin min an pek.

2019-nCoV zawtnak a khamkhotu sii an hmu kho cang maw?
Tuni tiangah an hmu kho rih lo. World Health Organization (WHO) nih cun tuhnu thla 18 chung lawngah mah zawtnak a kham khotu sii kan chuah khawh lai tiah an zumh.

Zeitindah pumpak in mah zawtnak hin kan i humven khawh lai?
– Chatpiat he seconds 20 chung kut thiang tein tawl peng, a bik in rawlei hlan, kan hnar kut in kan tongh hnu le hlan, khuh asilole hachio hlan le hnu ah.

– Leng chuah paoh ah Sii zung lei nih an chuahmi hmaihuhnak he i huh peng ding.
– Kut tawl loin mit, hnar le kaa pawl tongh lo ding.
– A zawmi minung pawngah um lo ding.

2019-nCoV zawtnak cu zeibantuk in dah zawtnak a langh?
Taksat, khuh le thaw chuah har phun in minung taksa ah a lang.

Tuni (February 12) tiang ah 2019-nCoV zawtnak cu Tuluk ram minung 40235 sinin hmuh chuah an si cang. Vawleicung ram 24 ah zawtnak a ngeimi an karh i minung 393 sinin hmuh an si. Hi zawtnak ruangah minung 1105 an thi cang, cu chung ah Hong Kong in minung pakhat le Philippines in minung pakhat an si, a tangmi paoh cu Tuluk ram in an si. Mah zawtnak cu WHO nih Feb 11 ni—(nizan) khan COVID-19 tiah minthar an pek than.

The National Health Commission of China nih cun Feb 11 ni ah Tuluk ram i mah zawtnak a ngeimi  minung 2015  cu suimilaam 24 chung ah an hmuh  tiah a chim.

Refs;

https://www.scmp.com/news/hong-kong/health-environment/article/3049694/hong-kongs-top-officials-assure-public-sufficient
https://edition.cnn.com/asia/live-news/coronavirus-outbreak-02-11-20-intl-hnk/index.html
https://www.nytimes.com/2020/02/11/world/asia/coronavirus-china.html
https://nypost.com/2020/02/11/coronavirus-vaccine-could-be-ready-in-18-months-who-says/
https://www.who.int/news-room/detail/06-02-2020-who-to-accelerate-research-and-innovation-for-new-coronavirus

About The Author

Na ruahning rak langhter ve.. (Leave a comment)

%d bloggers like this: