COVID-19 Alert – NA TAKPUM NUAM LO IN A UM TI NA THEIH LE CANG KA IN?

Lung dai tein um khawh i zuam. Cun mi tampi zong COVID-19 zawtnak an ngei hnu ah sii zung um lo tein damnak an hmu than kho ko ti kha philh hlah.

  1. Ni 10 chung cu nangmah pakhat lawng in um a dang tein ihnak khaan, zunput le tikholhnak hna hmang. COVID-19 testnak ding le a phi a chuak ding kha hngak hlah. i dinh piak, thaw dam tein um khawh i zuam. Na thinlung le ruahnak hna kha cauk relnak in caan hmanpiak hna. Cun Na hawikom rual na chungkhar hna he video chonhnak in pehtlaihnak tuah hna.
  2. Innka na on tik caan paoh ah na inn chung ummi hna zong hmaikhuh le hmurkhuh an i huh dih ve a herh, nangmah zong i hup zungzal ding.
  3. Thlalangawngka kha a si khawh ahcun on piak lengmang.
  4. Siibawi kha ruahnak hal dingah pehtlaihnak tuah hna. Nangmah tein na duhmi sii ding hlah.
  5. Ti kik hman lo i zuam. COVID-19 zawtnak a damter khotu ti le rawl tiin cun a um lo nain, a thianghlimmi le ngandamnak caah thazaang a petu rawl eipiak nak nih na takpum cu damnak lei caah bawmhnak a pek lai.
  6. Na thawchuah ningcang pawl kha tha tein checkhlatnak tuah. Na thawchuah a ran tuk ahcun suimilam 6 chungah voikhat i checkhlat lengmang. Na thawchuah ning cu 94% nak in a tlawm deuh si ahcun, poipang tonsual tikah pehtlaihnak tuah khawh a simi hna kha tha tein i kawl.
  7. Na takpum a kih le lum kha suimilam 6 danah tha tein checkhlatnak tuah. Zawtfahnak na ngei sual ahcun voi tam deuh in checkhlatnak tuah. Ni 3 caah tak pum zawtnak umtu ning cu 101º F (38ºC) nak tam deuh asi ahcun, poipang tonsual tikah pehtlaihnak tuah khawhmi hna kha kawl hna.
  8. A dangdang ngandamnak lei poipang ton sual tikah sii lei zohkhenhnak cu kawl hna:
  • Thawpihnak
  • Hmur asiloah mithmai hna dum nawn in umnak
  • Theihhngalhnak lei chambaunak tam chinchinnak
  • Tlaihnak/dawh
  • Thawh khawh lo in um asiloah hngilh khawh lo

COVID-19 aa thok than.. zapi nih lungrual tein doh kan herh!

Na ruahning rak langhter ve.. (Leave a comment)

%d bloggers like this: