Covid-19 check nak seh Hakha le Tedim ah a um cang

Salai Bawi Lian Sang| TCP Kalay & Hakha| 2020 September 17 – Chin ramkulh chung khuapi pahnih, Hakha le Tedim ah Covid-19 hrik a check nak ‘Gene Xpert’ chiah a si cang tiah theih a si.

Minister Pau Lun Min Thang nih, “Covid-19 zawtnak um/um lo zohfelnak ‘Gene Xpert’ seh kan ngeihmi nih Kawl lei bantuk in mitampi voikhat ah a check kho lo nain voikhat ah minung 5 caah check nak tuah khawh a si. Nain, a tampi a herh rih i chap zong kan i timh ko. Atu cu Hakha le Tedim ah zawtnak hmuhmi an tam bik caah hi khuapi pahnih lawng ah September 9 ni thawk in kan chiah” tiah Chin World ah a chim.

“Cun, zawtnak check tik ah voihnih check a si. A voikhatnak hi kanmah hmunhma (Hakha le Tedim) ah check a si i cun Kawl (rampi huap checknak) lei ah kuat a si. Zawtnak an hmuh ah siseh, hmuh lo ah siseh (positive le negative) an si zong ah hika in an hmuh chuahmi a phi cu cunglei ah zoh chap ding in le faifai tein ngiatthlai lio caan an si rih lai” a chimchap.

“Chin ramkulh chung ikhun 100 umnak Sizung kip ah Covid-19 zawtnak um le um lo zohfelnak seh ‘Gene Xpert’ hman ningcang a thiammi minung kan herh. Sizung kip ah hi seh chiah zong kan zuam lai, nain a thiammi an hau. Atulio cu Yangon zong ah mizaw an tam caah lunghrinhmi mizaw an um tik ah Yangon kuat cawlh a har. Cun, Chin ramkulh ah ihkhun 100 umnak sizung kip ah seh hman thiam minung an har caah seh chiah kan i harh rih cu a si” tiah a chimchap.

Nihin September 17 zing 8:00 am tiang ah Covid-19 zawtnak ngei 3,894 le a thimi 46 an um cang. Chin ramkulh chung ah Covid-19 zawtnak a ngei tiah hmuhmi 18 an rak um i Tedim ah an tam bik. Nain, Chin ramkulh ah atulio tlunkal phih chung i zohfelmi (quarantine) chung in cun Covid-19 zawtnak hmuhmi an um lo.#

Cc: Chin World

Na ruahning rak langhter ve.. (Leave a comment)

%d bloggers like this: