COVID-19 chungah Thinlung zohkhenhnak caah a lam phun 5

Covid-19 zawtnak ruangah inn erh khumhnak (Lockdown) chungah zeitindah thinlung lei zohkhenhnak kan tuah lai?

20 May 2021 chungah WHO nih COVID-19 ruangah kum 2020 chungah a tlawmbik minung nuai 3 tluk an thi tiah theihternak a tuah. Cun kum 2020 December 31 ah COVID-19 cu minung nuai 82 zawtnak chawnh an rak si i vawlei pumpi ah minung nuai 1.8 an rak thi. Hi nih hin vawlei pumpi ah COVID-19 nih ngakchia, upa ti thleidannak um lo in harnak ton cio asi. Fimcawnnak, thanchonak, chawlehthalnak hna le minung pawcawmnak tampi harnak a pek. Cu tikah khua tampi hna cu riantuan khawh lo in inn ah erh in um cio a si. Hi harnak chung in thinlung lei lungretheihnak hna cu zeitindah kan i zohkhenh lai i kan kilven laitimi a lam pasarih cu a tanglei ah langhternak tuah a si lai.

Zei ruangah thinlung damnak zohkhenhnak cu a herh?

Thinlung ngandamnak zohkhenhnak cu a herh, a ruang cu thinlung dam lonak nih kan nunnak ah tampi that lonak a chuahter khawh. Cu hna chungah cun, na rian, thitumnak, nu ngak tlangval kar pehtlaihnak, chungkhar unau hna i pehtlaihnak le buaktlak in na thil tuah tawnmi hna vialte hna cu an i tel dih. Thinlung lei dam lonak nih na takpum lei zong kha a hrawk khawh. Tahchunhnak ah, hmai lei kongah saupi lungretheihnak ngeihnak, thin phannak hna nih na thinlung, ruahnak hna cu that lonak in a tlunh khawh, cun thi kai zawtnak hna na ngei ahcun a zual ter khawh.

Cucaah mikip nih hi COVID-19 zawtnak a karh chungah hin kan mah le kan sining cio in lungretheihnak, le hmai lei caah khua tuaktan in thinphannak kan ngei cio hna. Cu hna cu a tanglei langhtermi hna kha nifatin zulhpiak nak in thinlung lei damnak caah tampi thathnemhnak a pek khawh lai.

Zeitindah Thinlung lei thanchonak kan tuah khawh lai?

Thinlung zornak lei hmelchunhnak pakhat khat na ngeih siahcun, bawmh na herhmi thinlung lei ruahnak an cheuh kho tu ding sii bawi hna kha pehtlaihnak na tuah ahcun tampi an bawmh khawh lai.

Pumpak minung in na kal khawh lo hmanah, online in thilung lei ruahnak thazaang cheuhtu hna video in ton khawh an si ko timi kha philh hlah.

COVID-19 chungah Thinlung zohkhenhnak caah a lam phun 5

  1. Social midia ah Thawngpang na relmi, na zohmi pawl kha rii khiahnak tuah

Hihi a herh ngai ngaimi pakhat a si, thawngpang rel cu a tha tuk, nain thil tampi a cangmi kongah caan tampi pek cu a chel caan ah cun a tha lo kho men. Suimilam 24 chung ah ngeichiatnak, lungretheihnak thawngpang hna tam tuk zohnak nih hmai lei lam thluan caah lungrawknak tampi a chuahter kho men. Khi caan ah lung a nuamhtermi video le capo chimhnak hna kha zoh piak deuh ah a tha. Na thinlung kha “nuamhter caan” pek khawh i zuam.

  1. Takpum lei zohkhenhnak ngeih khawh I zuam

Thinlung le takpum cu aa neihniam ngaimi pehtlaihnak a ngeitu an si. Na thinlung ngandamnak zohkhenhnak ding caah takpum lei runvennak le zohkhenhnak zong a rak herh ve.

  • Lam kam zuarmi rawl ei lo ding I zuam
  • A thiangmi rawl ei khawh I zuam
  • Mitku vuai tein ih piak khawh I zuam
  • Caan hman tein pum cawlcanghnak tuahpiak
  • Zu lei he aa pehtlaimi hrial khawh I zuam
  • Sii din ding langhternak tuah ning tein zulh khawh I zuam
  1. Midang kha chonh piak khawh I zuam hna

Mibu he hlat in umnak ruangah, kan zatlang nun pehtlaihnak cu tampi a thlen, nain cu nih cun nangmah he naa neihniammi le na caah a biapimi minung hna cu pehtlaihnak tuah khawh lo ti a si lo. Phone zong in pehtlaihnak tuah khawh an si. A chelcaan ah video call zong in caan hman khawh a si.

  1. Ruahnak petu hna kha biaruahnak ngeih hna

Thinlung lei ruahnak petu sii bawi a thiammi tampi pehtlaihnak tuahnak nih nangmah cu tampi an bawmh khawh lai.

  1. Tuah na huammi kha tuah khawh I zuam

Kan lungretheih caan ah kan huammi thil tuahnak nih kan lung a tam ter I kan ngeichiatnak le lungretheihnak a zorter khawh. A sikhawh ahcun, na tuah khawhmi le tuah naa timhmi pawl kha cazin tha tein i tuah hna.

Na ruahning rak langhter ve.. (Leave a comment)

%d bloggers like this: