Covid-19 Hrikthar Omicron Ralringnak
Salai KMT| 2022 January 18| Covid-19 pulrai zawtnak hi vawlei ah kum( 2) a can sau cang. Corona virus phun in min dangdang a thlen. Alpha in Beta, Gamma, Delta in nihin ah Omicron tiang min hrik thar a phan cang.
Covid -19 hrik thar Omicron variant hi South Africa ram ah an hmuh hmasa mi pulrai hrik a karh rang bik tiang in a phan i nihin vawlei cung ramkip tiang a karh cang I Myanmar ram tiang a phan cang.
Minung le virus hrik raldoh zuamnak ah tih nung mi Omicron variant hrik dohnak ah WHO (World Health Organization) nih ralring ding phun(4) thawngthanhnak a tuah.
- Omicron variant hi Delta variant nak in zawtnak I chonh fawi/rang deuh maw?
- Covid-19 khamhnak si chumh cia mi le Delta variant zawtnak a ngei cia mi zong nih mah zawtnak in an zaw kho than lai maw?
- Mah zawtnak hi Delta variant hrik nak in tih nung deuh a si maw?
- Omicron variant hrik khamnak ah zei pawl dah ralring a herh?
- Omicron variant hi Delta variant nak in zawtnak I chonh fawi/a rang deuh maw?
- Nihin tiang ah cun Delta variant hrik nak in a leh hnih, lehthum tiang in zawtnak chonh a rang deuh mi a si.
- Covid-19 khamhnak si chunh cia mi le Delta variant zawtnak ngei cia mi nih mah zawtnak an ngei kho than maw?
- Delta variant hrik nak in a leh(5) in zawtnak a kharh rang deuh ruang ah hlan bantuk in tihnung pulrai thinphan awk in an um.
- Covid kham nak si a chum cia mi Norway ram Oslo khua ah Xmas party pakhat ah minung(120)hlei zawtnak an check I mitam deuh sin ah Omicron variant hrik an hmuh natein sii-inn phan tiang in zawtnak an zual hma lo.
- WHO theih hngalh mi covid sii nih mah zawtnak hrik hi dam le hrik tlau tiang an kham kho rih lo.
- Pfizer le Moderna sii phun hnih voi thum tiang aa chun cia mi nih zawtnak hrik 75% tiang a kham khawh I voi thumnak Booster dose sii chunh than ding an ti.
- Mah Pulrai hrik hi Delta variant nak in zawtnak a thawng deuh maw?
- Nihin tiang ah cun Delta variant nak in cun zawtnak a thawng deuh lo tiah an hmuh. Delta variant nak in a leh(6) tiang zawtnak tha zang a der deuh. 25% tiang thihnak a tlawn deuh tiah an zumh. Sihmanhseh law can sau deuh zoh hlathlai a hau rih lai.
- Omicron variant hrik kham nak ah zei dah a herh bik?
- A herh bik mi cu mah pulrai kham nak zulh phung hi mi pi nih zulh a herh bik.
- A voi (4)nak pulrai Omicron variant in a zaw mi nih zawtnak a zual hma tuk lo ah cun sii-inn phanh lo in mah inn te ah erh in a herh mi sii le ei ding le Covid zulh phung ning in um ding.
- Mah le Sang/Veng ah Covid zawtnak hrik checknak ngeih cio ding.
- Zawtnak hrik ngei mi hna zohchunh in mipi zulh phung kha thawngthanhnak tuah ding.
- Ram chung mipi Avoi(3)nak Covid-19 sii chunh khawh a herh.
Credit-Ministry of Health, National Unity Government of Myanmar