Covid-19 in zawtnak dang a ngeilo tiah ruahmi kum 21 Chloe Middleton a thi

Chole Middleton (Photo: BBC News)

Salai Tluangkipthang| 2020 March 26 — Kum 21 lawng a si rihmi nu Chloe Middleton cu Cononavirus ruang ah thi tiah BBC nih a than.

A chungkhar an chim ning ah, “Chloe Middleton hi zawtnak dang zeihmanh a ngei an thei lo, nain Covid-19 ruang ah a thi tiah an ti”.

Vawleipi cozah kip nih thanhnak an tuah ning ah, Covid-19 in a thimi hna hi, zawtnak dang a ngei chihmi an si. Cun, a thimi hi upa deuh, tar deuh an si caah, mino tampi nih zeihmanh an rel lo. Nain, mino a thimi an um ko tiah a thimi chungkhar nih an chimmi cu BBC nih a tial.

Mithi nu Chloe Middleton i a nute (aunty) nih, “kan fanu cu Covid-19 ruang ah a thi. Cucaah, zawtnak a karhlonak hnga ding caah nangmah na tuah ding rak tuah ve, zawtnak karhter ti hlah u, tiah a Facebook ah a tial”.

Mino nih Coronavirus kong ah biatak deuh in ralrin ding zong duhfak ngai in a langhter.

Diane Middleton, mithi nu a nu nih, “Zangfahnak in ruat than u, keimah pumpak ka tonmi chung in kan chimh hna, hi zawtnak nih hin ka fanu kum 21 lawng a simi a nunnak a lak ko” tiah a ti.

Zeitluk in Coronavirus hi tihnung dah a si?

Kum khua a upa cangmi hna le a dam pah lomi hna coronavirus nih a tlunh hna ahcun, an thi ko lai.

Cun, atulio ah, thithlum (diabetes), thikai (high blood pressure), lung zawtnak (heart) le thawchuah a harh deuhmi caah tih a nung khunmi zawtnak a si.

Hi thawngpang tial lio 26 March ahhin, The Guardian Live thanh ning ahcun, vawleipi ah Covid-19 in a thimi hi minung 21,162 tluk an si cang.

Cun, vawleipi ah Covid-19 in a zawmi hi 460,000 tluk an si.

Hi thawngpang tial lio tiang ah, Covid-19 in a zawmi tampi chung in, minung 113,770 hi cu zawtnak an hmuhchuah ka in an dam than, an dam piang tiah John Hopkins University nih a langhtermi cherchan in the Guardian nih a tial.

Cc: BBC, Guardian 

Na ruahning rak langhter ve.. (Leave a comment)

%d bloggers like this: