Covid-19 nih faakpi Kawlram a den khawh rih tiah Thailand nih a chim

0

Ministry of Health and Sports - Myanmar

Aralaimi caan ah Coronavirus nih faakpi in a den khawh rih mi ram ah Kawlram aa tel tiah Thailand siangpahrang inn le cozah nih an thanhmi cherhchan in The Nation nih a tial.

ASEAN ram chung in Malaysia, Indonesia, Laos, Cambodia le Kawlram (Myanmar) ram cu aralaimi caan ah Covonavirus zawtnak nih faakpi in a tlunh khawh rih hna lai tiah Thailand Ministry of Health nih April 22 ah a chim.

March 26 ah Thailand cozah nih Coronavirus nih faakpi in a den dingmi ram hna ah Thailand, South Korea, Italy le Iran hi cazin ah a ram khumh cangmi a si.

ASEAN ram chung in Coronavirus nih a den rih ding thanhmi ram 5 chung ah Indonesia le Malaysia cu zawtnak ngeimi 7000 le 5000 renglo an phan nain Laos cu minung 19, Cambodia ah minung 122 le Kawlram ah minung 127 sin lawng ah Covid-19 zawtnak an hmuh rih.

Kawlram nih Covid-19 felfai te in a doh khawhnak caah World Bank nih dollar million 50 a cawih i US cozah nih million 3 fai lakhruak in bawmhnak ka pek chung lai tiah a thanh.

Thailand ram hi ASEAN ramchung ah a hmasa bik Covid-19 zawtnak an hmuhnak ram a si. Nihin tiang ah minung 2,839 sin ah zawtnak an hmuh. Cu chung ah minung 50 an thi i 2,430 an dam than i siizung in an tum cang.

Ref: The Nation Thailand

About The Author

Na ruahning rak langhter ve.. (Leave a comment)

%d bloggers like this: