Covid -19 Pulrai Ruangah Kum Tlinglo Nu Thitumhnak A Tam Kho

Salai Bawi Lian Sang| TCP-Kalay| 2020 October 3|Vawlei cung Covid-19 ruangah pawcawnnak harnak cu a ra lai mi kum (5)chung tiang ah kumtlinglo nu ngakchia 2.5 million thitumh in harnak an ton kho tiah Save the children nih a chim.

Mah bu nih cun “ Global Girl 2020: Covid-19 and Progress in Peril,” 2020 Vawlei cung nu hngakchia le Covid-19 ruangah harnak ton dingmi thawngthanhnak ca cu October 1 ni ah an thanh. Africa le Thlanglei America ram cheukhat ummi nu ngakchia no pawl nih an ton kho dingmi a si tiah a langhter. Asia tlanglei ram ah a bik in nu ngakchia harnak an ton tam bik lai. Tu kum chung hmanh ah nunungakchia Sing 2 hlei harnak an ton kho tiah an chim.

A luan cia April thla in Coronavirus pulrai ruang ah a ra dingmi kum (10) chung ah vawlei pumpi ah kum tlinglo nu ngakchia 13 million tiang timhumhnak an ton kho tiah UN nih a chim ve. Mah pulrai ruangah hin vawlei cung khuaza ramkip sifak nak tampi a chuak lai caah mah hnu cun nu ngakchia hna sianginn kai ti lo in rian an lut ter hna lai. A si lo le hramhram in thitumhnak a tam lai tiah hlathlai minthang pawl nih an hmunh ning hi a si.

Nu ngakchia hna mah bantuk harnak an ton kho dingmi kong cu October 1 ni tuahmi New york khua tuahmi UN meeting ah vawlei cung ramkip hruaitu hna nih Online bia ceihnak meeting ah nu le pa tleidan lo ding bia kam nak ah ser ding in Save the children bu nih an hal. Mah hi 1995 kum Nu le Ngakchia no pawl ruangtein nuhrim covo an co kho dih nak hnga tiah Bejine Nu Conference 25 kum tlingnak ni zong a si chih. Ref: VOA