Covid-19 Zawtnak nih Hakha Dawr tampi a Hnursuan

0

Hakha Laithil Dawr. Photo: The Chinland Post

TCP Hakha| 2020 April 10 – Covid-19 nih vawleipi a hun hninh bang Laitlang khualipi Hakha zong ah chawlet, chawdawr ngei le riahbuk (guesthouse), tbk pawl nih a hnursuannak hna an hun theih thluahmah.

“Hakha ahhin, eidin dawr le a dangdang nih zeitluk in an inntuar  timi cu ruahawk ka hngal lo, nain kan nih thilpuan fenhaih, laithil tbk zuarmi le riahbuk (guesthouse) a tuahmi hi cu fak ngaingai in a kan hnursuan cang” tiah Hakha Dawr ngei pakhat nih a chim.

Hi lio ah, a cozah nih dawr thil man nan kai ter lai lo, nan kaiter ahcun daantat nan si lai tiah thawng an thanh.

“Eidin dawr cu an i ning deuh ko lai. Nain, kan nih Laithil dawr a tuahmi cu kan rocar ko. A kan cawmi hrimhrim an um lo. Mi chawklet hrimhrim an tlawm tuk. Hi zawtnak nih hin tampi a kan hrawh ko lai. Atu, March le April thla hi, Laithil kan manh lio bik caan ah a tel. Cucu, kan manh bik caan ah zuar awk tiah kan i tim lam, a baa tete zong in kan cah chung, thil tling tein ngeih khawh kan i tim. Nain, atuhi thinphang kan si ko. Kan fawi lo ngai” tiah Lai thil dawr ngei nih a chim.

“Hakha lamtonnak ah dawr tuahmi nih, kan nih zong a kan hnursuan tuk ve ko. Kan lungrawk ko, zeitik tiang dah hitin kan lungre a theih rih hnga. Zei can dah a rauh rih lai timi ka ruah ahhin, ka lung a dong hringhran ko” tiah a ti ve.

Laithil dawr ngei pakhat nih cun, “Atu thal caan hi, ramdang tlungkal pawl nih thil an kan cawk caan a si. Cun, ramleng thiam in an kan cah bik caan zong a si. Cun, kanmah Chin miphun puai le kum thar cu silo nain, Kawl kum thar le titoih caan zung khar ahhin, tam ngai kan zuar khawh tawn. Hakha ah cozah riantuan si hna seh, a dangdang nica in a hlawhfa mi tiang nih kum thar inn tlun phorh awk ah an kan cawkmi hmanh a tam ngai tawn cu mu. Atu cu, zeihmanh pei kan zuar khawh lo hi, a poi ngai ko” tiah a lungretheihnak cu a chim.

Atu ahcun, thilpuan fenhaih a zuarmi ca ahcun, dawr on in hngah zong a phu tilo, dawr khan hlan man le thil cahmi man zeitindah kan cham in pek than lai timi ruah ah a lungrethei mi a tam ko cang tiah an chim.+++

Hakha Laithil Dawr. Photo: The Chinland Post

Theihternak: The Chinland Post nih Hakha khuahchung dawr lam thluan chung in biaruahmi in a tawinak tialmi a si. ~Editor

About The Author

Na ruahning rak langhter ve.. (Leave a comment)

%d bloggers like this: