COVID -19 Zohkhenhnak (How to Prevent COVID-19 to Stop Spreading)

COVID -19 Zohkhenhnak (How to Prevent COVID-19 to Stop Spreading)

  1. COVID-19 Zawtnak a karhlonak dingah pumpak cio nih rian kan ngei.
  2. Nichiar tlawnlennak ah Mask ihruk tluk in Irunvennak, izohkhenhnak a thami a um lo
  3. Na kut thiang tein itawl peng
  4. Mibu, minung he hlat deuh in um izuam peng athabik
  5. COVID-19 irunvennak sii ichunh aherh bak
  6. Na umnak khuami, Khuatlang le Ngandamnak lei nih runven zohkhenhnak caah an thanhmi bia ngaih izuam
  7. Na umnak inn thli luh thlichuah umter peng a biapi
  8. COVID-19 Mizaw he runvennak le khamhnak thilri tello in naih te um hrimhrim lo ding
  9. Na damlo le na derthawn ahcun inn ah um bak ding

 

Zeitindah COVID-19 Zawhnak A Karh

COVID-19 zawtnak hrik cu minung le minung in ichonhmi rungrul a si. Kan thawchuahnak in a karhmi a si caah minung pakhat le pakhat pe 5 tluk I hlat lawngah zawtnak kham khawh bik a si. COVID-19 hrik cu thli chungah suimilam 3 chung a nung khomi a si caah COVID-19 zawtnak a ngei tiah lunghrinhmi he siseh mizaw he siseh inaihlo in um ding a biapi ngaingai. Innleng, innchung, zung le mibu cawlcanghnak ah a karh a rang ngaingaimi a si. Zawtnak cu kan cil, kan khak, kan ek le ihnamhnak in ichawnh khawh tukmi an si caah I ralrin ngaingai dingmi rungrul a si.

Zei Ruangah Mask Kan I Hruk Lai?

COVID-19 ichonhnak bik hi kan ka kan hrawm in thli chungin a kalmi a si caah a si. Kanmah pumpak ah COVID-19 khamhnak sii kan ichunh zong chunhlo zong, COVID-19 hrik a langh colh lo zongah duhsah tein mi sin ah zawtnak rungrul ichonh khawhmi a si. Mask kan ihruk nak nih tampi a kham khawh. Mask cu thapkhat, thatphnih zong in ihruk khawh a si. Mask an zuarmi ah  KN95, KF94 le N95 masks tbk zong a um lai nain ningcang tein ihruk lawngah zawtnak a kham khawh.

Zeitin dah Kut kan itawllai

Chappiat le Ti he a tlawmbik 20 second tawl ahau. Kan ei, kan hnat kan hnit, kan khuh, Hatthio paoh ah kuttlawl kan daithlan lo ahau. Chappiat he kuttlawlnak kan ngahlo sual ahcun handgel (60%) tal he kan itawl ahau.

 

Zei Ruangah Hlat Deuh kan um A Herh

COVID-19 zawtnak cu minung in minung sin ichonhmi a si caah minung he atlawmbik pe 6 dan in ihlat deuh in kan umding a herhnak cu a si. Cu hlat deuh in kan umnak lawng nih COVID-19 zawtnak karh ding a kham khawh lai. Chung le khat, hawikom kan len zongah daithlan lo tein Mask ihruk, ihlat deuh in ichonh hi kan idawt caah a si. Kan zawtnak hi kan ichonhnak in minung 14 chung hrik a nung tiah hlathlaitu nih an ti.

 

Sii Na Chunh Ah Na Him Hlei Maw?

COVID-19 runvennak sii cu karhlonak caah irunvennak sii le zawtnak dohnak caah sii a si ko nain Zawtnak nih an tlunh kho thiamthiammi a si. Cuaah khual, inn le mibu sin na tlawnlen tikah ralrinnak he na thutdir peng herh rih. Sii aa chunh cangmi cu tei khawhnak thazang a thawng deuh timi lawng a si.

Inn zuatmi Satil, uico tbk in COVID-19 zawtnak ichonh a har tiah hlathlai tu nih an langhter nain ichonh khawh a si ve tihi theih a tha.

COVID-19 Tei Khawhnak Caah Zeidah Ka Tuah Kun Lai

  • Kuak or Khuahrim Zuk lo isum ding
  • Thiangthei hangthei ei deuh ding
  • Vatamin ka chambau tiah na ruah ahcun Doctor te pekmi Vatamin dinei ding
  • Exercise caan kel in tuahpiak ding
  • Lungre itheihter lo ding
  • Thi cawlcangh ning zohfel peng ding
  • Zu a dingmi kan si ahcun zudin isum ding
  • Ihcaan ah zalak in ih ding
  • Pumpak thianghhlimhnak tuah ding
  • Dam lo paoh ah Doctor te caan hman tein izoh ter colh ding hi an biapi.

 

Na ruahning rak langhter ve.. (Leave a comment)

%d bloggers like this: