Covid khamhnak sii lung 5,000,000 Philipine nih Myanmar a hlut lai

The Chinland Post | 2022 May 3 – Philipine ram ah a ummi a caan a luan dih deng cang mi Sputnik V Covid khamhnak sii lung 5,000,000 cu Myanmar ram ah hlutding in kan i timhtuah lio a si tiah Philipine ngandamnak lei riansang a tlaimi nih May 1 ah a chim.

Milu 110 mollion caah Covid khamhnak sii tingco dih ding in a luancia kum ah biatak tein aa zuammi Philipine ram nih mi ramdang ah a voikhatnak bik a hlutmi zong a si kho. Philipine ram ah Covid khamhnak sii a zaa in a um cang tiah ngamdamnak lei rianngeitu pawl nih an chim.

Russia chuah Covid khamhnak sii pawl Myanmar ram ah Red Cross phu sin in hlutding in cozah nih aa timh lio a si tiah ngandamnak lei Secretary Maria Rosario Vergeire nih Press Conference ah a chim.

SAC tang ngandamnak lei riantuantu pawl chimnak ahcun, Myanmar ram ah Covid khamhnak sii voihnih aa chun cangmi hi Myanmar ram milu 53 million i a cheu hmanh an tling rih lo tiah an thanh.

Na ruahning rak langhter ve.. (Leave a comment)

%d bloggers like this: