Covid Lio Ah Hlawhhlan -KTV –Massage Le Nawlngai Lo Mi Tam Lak An Tlaih

Salai Bawi Lian Sang| TCP-Kalay| September 27, 2020| Myanmar ram ah September 19-25 tiang ah Ramkulh le Ramthen kip ah Hlawhhlan inn (2), License ngeilo KTV dawr( 1) ngeitu, Maneger, riantuantu pa( 8) le nu( 18) an dihlak (26), zan a lengchuak lo ding tiah a can luan a vak mi hna upadi pohmah 188 in tazacui mi (73 )le upadi nawlngeilo mi pa (141), nu (8) an dihlak (149) hna le Mask hruak lo in a leng chuakmi hna cu pulrai runvennak upadi pohmah-15 in a zizutmi (304) ah pa (272), nu (78) an dihlak (350) an si tiah Yezani media sin in September 25,2020 ah thawng kan theih.

Myanmar ram ah September 26, 2020 zan tiang ah covid hrik hmuhthar mi 880, an dihlak te ah hrikngei mi 9991, nikhat ah a thimi 24, an dihlak a thimi 198 an si cang caah nikhat hnu nikhat covid hrik a kharh tuk caah umkal I ral ring deuh a herh.

Mask hruk lo in a leng chuakmi kan hnu zarhnak in an zor hlei lo caah Covid-19 pulrairunven nak upadi zulh cio ding in Palik lei nih thawngthanhnak an tuah.