Sianginn kharnak kong ah Ralkap Minister alnak ca pekmi KNU nih a cohlang lo
The Chinland Post | 2022 March 19 – A tulio SAC cu ramkhel lei cozah an si lo caah Karen National Union (KNU) battalion-1, Hpa-an peng ah a ummi sianginn 4 kharnak kong he pehtlai in Ministry of State Security and Border Affairs Colone. Myo Min Naung nih alnak ca a kuatmi cu phung a lut lo tiah KNU nih a leh.
Himnak kan lak khawh lo caah Hpa-an peng ah a ummi sianginn 4 kharnak kong he pehtlai in SAC Minister of Security and Border Affairs Colonel. Myo Min Naung nih Hpa-an khua ah a ummi Relations between KNU Central Committee and brigades, rian ngeitu sin ah March 14 ah duhlonak ca a kuatmi cungah KNU Thaton peng chairman Pado Saw Soe Myint nih a tu bantuk in a leh hi a si.
“ Cozah an si lo, a honihdah cozah si ding ah a thim hna. Mipi zapi nih cohlan lo an si. NCA lam in ca an kan kuat ko nain NCA zong a kal kho ti lo. NCA a rawhnak a sau tuk cang. JMC zong a um ti lo. Cozah a um ti lo hnu cun NCA zong a um ti lo”.
Hpa-an peng chungah a ummi Takaungbo, B.E.H.S (1), B.E.H.S ṭhen Weepyan le B.E.M.S Bawtapyuk sianginn ah rian a ṭuanmi hna le siang cachim pawl himnak kan pek khawh hna lo caah (10.2.2022) in sianginn khar ding ah KNU battalion-1 i (7.2.2022) cathanh charhchan in SAC nih NCA hnatlaknak ning tein zulh ding, ramri lei uknak kong he pehtlai in i teltum lo ding le ralkap pawl ṭha tein zohfel ding tiah a timi cu Karen State Government nih kan duh lo tiah thawng a thanh.
SAC alnak ca he pehtlai in Karen Peace Support Network (KPSN) nih NCA cu 2018 lio in a thi cang tiah kan ruahmi a si. NCA hnatlaknak in tlangcung hriamtlai phu pawl hi hrenchih an kan duh. KNU nih hramhram uknak a rawh khawhnak hnga tuah a herh.
KNU Hpa-an peng chungah SAC kuttang ah rian a ṭuanmi vialte rian chuahtak ding in Hpa-an nih February 7 ah a thanh.
Cucaah, CDM a tuah lomi rianṭuantu vialte cu SAC thapek a si caah ram chungah cohlan nan si lo bantuk in ram chungah pakhat khat nan ton a si ahcun KNU nih zeihmanh kan in tawlrel piak hna lai lo tiah Pado Saw Moe Myint nih a chim.
Ref: Karen Information Center
About The Author
