Cozah Nawlnak In DGM Ruavazung Rescue Centre Hmun An Chuahtak Cang

TCP-Kalay | 2019 February 28 | Disciple Group Ministry(DGM) nih kum 10 renglo an hman cangmi Ruavazung (Rescue Center) cu cozah nawlnak in an chuahtak i February 27, 2019 kum ah Hakhathar (Tiphul lampial thlang Singinn le Hniarlawn lam karlak) ah an i thial cang tiah thawng kan theih.

Ruavazung (Rescue Center) an chuaktakmi hmun hi ekah 16.64 le umnak inn 6 a umnak a si. Mah cu; (1). Zapi pumhnak innpi le Pa ihnak, (2). Nu ihnak innpakhat, (3). Saya te umnak innsaupi pakhat, (4) camping tuahnak a hmai ah Zung nganpi Dothnih pakhat, (5). thlacamnak Inn nganpi pakhat, (6). Rawlchumhnak einak, coka pakhat a um. Tak kholhnaknak le zunput zong a tling. Atu cozah lei nih hmun an pekmi cu ekah 4.9 lawng a si tiah DGM upa nih TCP sin a chim.

Hmailei ah Cozah nih inn kong ah zeitindah a tawlrel te lai ti cu theih a si lo.

“Kan Ram le kan miphun caah a herh tiah ram hruaitu kan pa le khuanu khuapa nih a kan ti caah kan siang lo tuk nain kan ram kan miphun kan dawt tuk ve caah le Laimi kan pa a simi Vice -President Henry Van Thio le Lairam a kan hruaitu kan pa le hna kan upat, kan hmaizah hna caah kan hmunhma pi cu kan chuahtak cang i lung lawm tein hmunthar a kan pekmi ah kan i thial cang. Inn thial ding le a dangdang tuah tuan ding tampi a um rih. Kan hmunthar cu Hakhathar (Tiphul lampial thlang Sianginn le Hniarlawn lam karlak ah a si. Rescue Center ah chiah nan duhmi an um ah cun kan hmunthar ah rak chia cang ding ah Bawi khrih min in kan in theihter hna” tiah DGM nih an chim.

Nihin ni tiang ah Rescue Centre nih a chanhchuahmi hna cu zuu le rithaisi a hmangmi minung 1000 leng an si cang. Caantling riantuantu  Evan.17, Missionary 1- Yangon Hmawbi, DGM thlarau thanghphawhnak thawngin Pathian riantuan mi tampi an chuah cang. DGM riantuannak cu 2008 in thok a si. Ruavazung Rescue Camp ummi chungin evangelist a chuakmi minung 20 leng an si cang. DGM nih Pathian thawngtha an chimnak hi kum 18 a phan cang tiah TCP nih kan theih.

Credit: Disciple Group Ministry Hakha

Na ruahning rak langhter ve.. (Leave a comment)

%d bloggers like this: