Cozah Nih Rian Pek Te Dingin Thantlang Peng Laica Chim Saya/mah 301 Tluk Lo-aa An Pe

Salai Elvis| 2018 Tho 4| Thantlang peng ah cozah nih phung ning in Laica chim saya/mah 46 lawng rian a pek hna caah Laica chimtu saya/mah an um lonak sianginn cheukhat ah cozah nih rianpek te dingin lo-aa-pe mi saya/mah 301 tluk an um tiah kan theih.

Tlangcungmi Kongkau minister (Taing-zin-thar Yeya vuanci) nih a tlaihmi tlangcungmi caholh cawnnak chungah Hakha (Lai) cachimtu saya/mah um lonak sianginn kip ah cachimtu chiahpiak dingin CACC nih aa hmaithlak i aa zuam cuahmah liopi a si.

Thantlang peng Laica chimtu saya/mah hna zong CACC nih lo-aa-pe mi le cozah nih rian a pek cangmi hna he fonh in October 2-3 tiang training an pek hna. Sianginn Laica chimtu an um lonak khua cheukhat ah cozah nih rianpek te ding bawh in thlahhlawh pek lo in (lo-aa-pe) mi minung 301 an um tiah CACC nih training a pek mi hna cazin le Thantlang peng fimcawnnak zung Laica chimtu rianpekmi hna cazin ning in theih khawh a si.

Laica chim thlahlawh pek lo (lo-aa-pe) mi hna cu sianginn pakhat ah minung 3 a ummi cozah nih rian a pekmi hna chung zong ah sianginn pakhat ah Laica chim saya/mah 3 a ummi zong an um ve i nikhat ah minute (45) cio caan lak in taangcheu in taang hnih tiang Laica an chimh hna tiah theih a si. +++

Na ruahning rak langhter ve.. (Leave a comment)

%d bloggers like this: