Cozah Pi Nih Mizapi Bawmhchanh Duhnak Za Ah Za Kan Ngei Dih; VP Pu Van Thio

0

Salai Elvis| 2019 January 21| January 21 Thantlang khua UPC biakinn, Khrihfabu he ton biaruahnak ah ‘cozah pi zong nih mizapi cungah siaherh zawnruahnak, dawtnak, bawmhchanh duhnak lungthin hi zakhat ah zakhat bak kan ngei dih’ tiah Vice President Henry Van Thio nih a chim.

“Lungthin nih a duh ko zongah kan thazaang nih a tlinh lo caah a si. A kan daw lo, a kan hram lo timi lungthin kha ngei hrim hlah u ti theihter kan duh hna. A kan dawttuk ko, a kan siaherh tuk ko, hnakkar a kan tanh tuk ko. Asinain, an ti khawh nak nih tlam a tlinh rinh lo tu a si titu khan a ruahzia rak kan thiampiak u tiah cozah ai-awh in chim ka duh. Ruah ding a ummi cu bawmhchanh a haumi kan tamtuk, Biaknak lei bawmhchanhnak kong zong kanmah caan chung teah hin zei mawzat te a hram kan thokka lawng a si rih. Cucaah cun duh ningin le tlamtling in bawmhchanhnak kan tuah khawh lo tikah mizapi nih a ruah zia nan thiam naklai zong cah ta kan duh hna” tiah Vice President Pu Henry Van Thio nih a chim.

Vice President Pu Henry Van Thio cu January 21 ni ah Tikir khua in Thantlang khua a rak kir lei ah sii-inn le hmun dang a zoh dih hnu, UPC Biakinn ah Khrihfabu hna he ton biaruahnak an ngei. Cun, TABC ah thaithawh a ei dih in Hakha lei ah a kir than tiah kan theih.

Photo: The Chinland Post @Salai Elvis

About The Author

Na ruahning rak langhter ve.. (Leave a comment)

%d bloggers like this: