Cozah, Ralkap Le Tlangcung Hriamtlai Phu Lutlai Pawl October 15 Ah Tonbiaruahnak An Ngei Lai
City Hunter| 2018 Tho 4| 2020 thimnak tuah hlan ah federal le democracy he pehtlai in a hrampi policy chiah khawhnak ding caah October 15 ah cozah, ralkap, tlangcung hriamtlai lutlai phu in biakhiahnak a tuah kho dingmi ramkhel lutlai pawl ton biaruahnak an ngei lai tiah theih a si.
Hi ton biaruahnak ngeih dingmi he pehtlai in Myanmar rampumpi huap ABSDF vice chairman Yebaw Myo Win nih atu bantuk in RFA ah a chim.
“A biapi in tuanvo ngei biktu lutlai pawl kai ding hi kaphnih duhnak a si. Tuanvo ngei bik lutlai pawl nih tawlrel ding le fianh a haumi kongkau a si caah anmah pawl kai khawhnak ding an tawlrel. Tuanvo ngeibik tu lutlai pawl lila nih ramkhel kong biaruahnak he aa pehtlai in policy pawl tuah le lamhmuhsaknak an tuah a herh. An zulh a herhmi ton biaruahnak zong a si fawn. Cu ruang ah hruaitu lutlai pawl atu bantuk in an lungtlinnak hi a si”.
Myanmar ram ah zuamcawhnak harnak tampi a um caah Yakhine ramkulh kong pakhat ruang ah remdaihnak lamthluan a hnorsuan bia a si lo tiah a chim.
Biakhiahnak a tuah khotu lutlai pawl i hmuhtonnak ding caah October 1 le 2, Yangon- NRPC ah remdaihnak commission haotu Dr. Tin Myo Win, ralkap palai le tlangcung hriamtlai phu palai pawl ahlankan i ceihmainak an ngei.
A ralaimi ton biaruahnak ah cozah lei lutlai rampi ruahnak petu Daw Aung San Suu Kyi, ralkap lutlai zik Senior General Min Aung Hlaing le tlangcung hriamtlai phu in biakhiahnak a tuah kho dingmi lutlai pawl an kai khawh ding kan i ruahchan tiah U Myo Win nih a chim.
Cu pin ah cozah leikap nih an chuahpimi October 15 ni i ton khawhnak ding caah kahngolnak a tuahmi tlangcung hriamtlai lutlai hna he ceihmainak an ngei than rih lai tiah theih a si.
Ref: RFA Burmese
About The Author
