Cozah Sianginn KG Nih Cawnding Zukcuang Tuanbia Chin Holh Phun (27) Lehmi Le Nuhrin Covo Cauk Phawtzamh

Salai Josephbawi| 2019 October 6| Rammi Miphun Zung (Ethnic Affair Ministry) tengnge miphun caholh le nunphung Hakha zung nih tualleng le siangniamruun KG cawn awk caah zukcuang tuanbia Chin holh phun (27) lehmi le Chin holh phun (6) in lehmi Nuhrin Covo biahren phawtzamhnak cu October 2, 2019 Cozah zungah an tuah tiah thawng kan theih.

Hi pekchanhnak ah Chin ramkulh peng (9) in caholh le nunphung bu hna, sawmmi zung lutlai le media minung (50) fai an kai i Chin ramkulh Social minister Pau Lun Min Thang biachimnak, rammi miphun covo kong ah Thang Mun Khai hna nih chimphuannak le Chin Ramkulh ramkulh fimcawnnak zung lutlai hna nih biachimnak an ngei.

Nuhrin Covo biahren cu Zo, Laizo, Lai, Cho, Khumi, Matu in leh a si i siangniamrun cawn awk tuanbia zukcuang pawl cu Chin holh phun (27); (1)Khumi (2) Hkongso (3) Khualsim (4)Siyin (5) Zotung (6) Zo (7)Zanniat (8) Tapong (9) Tedim (10)Tashon (11) Dai (12) Kanng (13) Mara (14)Lente (15) Lautu (16) Hualngo (17)Uppu (18)Cho (19) Daayindu (20) Ngawn (21)Bualkhua (22)Laitu (23)Matu (MLA) (24)Matu (MLCS) (25) Matupi (26)Falam (27) Hakha le Kawlca in an lehmi hna cu phawtzamh a si tiah theih a si.