CPC Nih Thantlang Peng Zophei Lei Ah Paih Cawnnak An Tuah Cuahmah
Salai Cung Cung |2019 January 15| Hakha hrambumh Chinland Paih Championship (CPC) tawrelnak in Thantlang peng Zophei lei ah paih cawnnak an va tuahpiak hna tiah kan theih.
“Tu hi Vuangtu, Hriphi le Zephai in kan thawk lai i paih cawn a duhmi an um ah cun Khuabung lei a naih deuhnak khuadang dang tiang paih kan chimh hna lai. Paih cawn man hi a um lai lo, alak tein chimh an si lai. Cun kan chimh dih hna hnu in paih a cawngmi zapi hi hmunkhat ah tonnak kan ngei lai i paih zuamnak kan tuahpiak hna lai. A thiambik mi laksawng peknak zong kan tuah chih lai. Hi zapi tonnak hmun cu internet line a tha deuhnak khua le zapi tonnak ding a fawideuhnak khua ah kan tuah te lai. Pakhatnak laksawng hi Sing 5 in kan pek te hna lai” tiah CPC tuanvo ngeitu Salai Patum nih The Chinland Post ah a chim.
Khuate lei ah paih chimh cawnpiak ding a kalmi hna cu CPC chung in Tluang Lian Thang, Tum Za Sang le Thawng Thawng an si. Zophei lei in paih a thawngmi hna cu avoi 2nak tuah ding mi CPC piah zuamnak ah an lut kho lai. Cun Chin National Day paih zuamnak zong ah an i tel kho lai tiah kan theih.
Hi Zophei lei paih chimh dih in khua asilole peng tlang in paih cawn duhmi an um sual ah cun man lo tein (free) in sawm le chimh khawh kan si tiah an chim chap.
About The Author
