CPC Special Zuamcawh Van Ram Awr Nih Teinak A Hmuh Than
Van Ram Awr/photo: TCP
Salai CungCung|2019 April 26| Avoi 2naK Chanland Paih Championship (CPC) special zuamcawh cu Van Ram Awr le Mang Thawnng Lian an i pai i Van Ram Awr nih tangka Sing 5 (500,000) in teinak a hmuh tiah kan theih.
“Hi special zuamcawh cu laksawng caah aa tei mi tangka Sing 5 (500,000) le a sung mi tangka Sing 1 (100,000) kan pek hna. An i paihmi ka zoh tikah ka lungtling ngai ko” tiah Salai Lungthli Tum nih The Chinland Post ah achim.
“Tubantuk in teinak ka hmuh cu kaa lawmtuk, Pathian min zong ka thangthat. Avoi 1nak CPC pecial zuamcawh zong ah keimah nih teinak ka hmuh. A tu ka paihmi Mang Thawng Lian le Salai Lungthli Tum hi kan rak i paih hlan hrim in ka tei hna lai ti zumhnak ka ngei cia. Cuti ka ngeih bantuk tein teinak ka hmuh caah kaa lawm tuk. Hi bantuk special zuamcawh kaa paih lai hin ka thin cu a phang pah ve ko. A ka zuamcawh mi paoh cu ka cohlan dih ko hna lai, cun teinak hmuh zong kaa zuam peng lai” tiah Van Ram Awr nih The Chinland Post ah a chim.
Van Ram Awr hi nupi thitnak tibantkuk le a dang dang puai tuahmi ah paih bual hi voi 6 tiang a co bal cang mi a si i special zuamcawh zong hi tu he cun voi 2 tiang teinak a hmu cang mi a si. Chin miphun ni ah minung 24 hi voi 2 tiang a rak tei bal hna. Falam ah voikhat le Hakha ah voi hnih tiin a rak tei hna tiah kan theih.
About The Author
