CPC Zuamcawh Ah Minung 48 Le Pengtlang In Minung 9 Aa Pai Ding An Chuak
Salai Cunng Cung|2019 April 25| Avoi 2nak Chinland Paih Championship (CPC) cu April 26 in 27 tiang Hakha Khaikam hall ah an tuah lai. Hi CPC Paih ah hin Pengtlang pa 9 le zuamcawh Middleweight minug 32 le Heavyweight minung 18 an i pai lai tiah kan theih.
“Avoi 2nak CPC paih cu kumdang tuah bal lo mi zong kan tuah chiah lai. An i paih tikah tei le tei lo fiangin referee nih a theih lo ah cun CPC tuanvo ngeitu sin ah tangka 20,000 in zuamcawh hal khawh a si. Tuanvo ngeitu nih video in tha tein zoh hnu i tei an pek ah cun tangka 20,000 khirh than a si lai. Cun round thawngthanhtu ah Lai ngaknu muidawh pakhat zong kan hlan chih. Pengtlang in club a dir mi chung in minung 5 lawng paih khawh a si lai. Hi minung 5 tam in a chuakmi cu a dang tein an dir than ve lai (Chuncung le Zophei zong club khat ah an um kho men). Hi CPC paih a nikhatnak ah special zuamcawh a um lai, ani hnihnak ah judo a um lai. Hi paihnak ah zuri paih a ngah lai lo” tiah CPC tuanvo ngeitu Salai Khua Aye nih The Chinland Post ah a chim.
CPC paih ah pengtlang in a chuak kho mi hna cu, Zophei, Khualhrintlang, Mi-e, Senthang, Bual, Chuncung, Hnairlawn, Hakha Khuathar, Hakha Hhuahlun an si i pengtlang pakhat ah minung 5 lawng paih khawh a si lai tiah kan theih.
Zatlang minung pakhat tei ah tangka 5000, zuamcawh minung pakhat tei ah tangka 25000 a si lai. Paih zoh man ticket pakhat ah tangka 5000 le VIP 25000 a si lai. Ticket cu zaran le VIP zapi caah 3000 in an chuah tiah kant theih.
CPC paih ah Judo aa zuam ding mi Bawi Hlei le Zaw Htun an si lai. Special zuamcawh ah Van Ram Awr le Mang Thawng Lian an si lai.
Avoi 2nak CPC paih laksawng pawl cu Heavyweight Champion Sing 30 le Middleweight Champion Sing 20 a si. Heavyweight paih ding cu pound 150, Middleweight paih ding cu pound 149 tang an si lai.
About The Author
