Cyclone Thlichia Ruang Ah Chin Ram Telh In Hmun 7 Ah Ruah A Fak Lai

City Hunter | 2018 Tho 10| Bengala rili tang ah a cangmi cycle thlichia hi a tha a thawng ngaimi thlichia a si. Bengala rili nitlak laifang ah a cang, thlichia min hi TITLI ti a si. 

October 10 zingka suimilam 5:30 an tahmi ning ah hi hnu suimilam 48 chung ah a tha thawngmi thlichia a phan kho tiah an ruahdamh i suimilam cheu chung ah a hung phan taktak.

Khuacaan thanhtu zung in tawlreltu Dr. Taan Naing nih, “Atu cyclone thlichia a hrangmi TITLI hi a tha thawngmi cyclone thliachia a si. India leikap a hoih. Atu ning cung Myanmar leikap ah aa thial ding dirhmun a si lo caah tihnungmi a si lo” tiah a chim.

Hi thlichia ruang ah Myanmar ram ramkulh 7 ah ruah a fak kho. Ruahfak a surnak ding hmun cu; Naypyidaw Sagaing ramthen Mandalay ramthen Magwe ramthen Kachin ramkulh, Shan ramkulh, Chin ramkulh le Rakhine ramkulh ah ruah a sur lai i cheukhat hmunhma ahcun ruah a fak ngaingai kho tiah khuacaan thanhtu zung nih an thanh.

Thli hi suimilam pakhat ah khan (meng) 40 tiang a hrang kho. Cun, ruah zong a fah khawh caah a bik in tilawng lamthluan le rili he aa naihnak hmun ummi paoh nih i ralrin ngaingai a herh ti ah an thanhchih.
Ref: DVB, MRTV, Xinhua

Na ruahning rak langhter ve.. (Leave a comment)

%d bloggers like this: