CYO Kumdongh Meeting Le Hruaitu Thar Thimnak An Tuah
Salai Ngun San Aung| 2018 May 12| Chin Youth Organization, Hakha kumdongh zapi meeting le hruaitu thar thimnak cu Hakha CYO zung, May 12 ah an tuah.
2018-2021 tiang kumthum chung CYO hruatu ding ah thim thar mi hna cu President-Salai J Van Cin Thang, Vice President 1-Salai Sang Hnin Lian, Vice President 2-Mai Sung Hlei Dim, Secretary Salai Van Ni Hup, Assistant Secretary 1-Salai Za Hnin Thang, Assistant Secretary 2-Mai Run Sung, Assistant Secretary 3-Salai Van Lal Cross Thang, Treasurer ah Mai Ngun Meng le OC Member ah Salai Jacob Thang an si.
CYO OC hlun cu President-Salai Jacob Thang, Vice President 1-Salai Van Cin Thang, Vice President 2-Mai Ngun Meng, Secretary-Salai Van Ni Hup, Assitant Secretary 1-Salai Za Hnin Thang, Assistant Secretary 2-Salai Van Lal Cross Thang, Assistant Secretary 3-Mai Sung Hlei Dim, Treasurer Mai Nancy Zing Hlei Par le OC Member ah Salai Van Chan Ceu an rak si.
Tutan CYO kumdongh zapi meeting le hruaitu thar thimnak ah meeting a kai mi minung 23 an si CNF in Pu HC. Ral Hnin an sawm i biatawi chimnak a ngei.
Tukum thimnak ah OC minung 9 an si i OC hlun chung in minung 7 le mi thar in minung 2 thim an si.
CYO cu HYF tiin 2006 lio ah Hakha Youth Fellowship (HYF) tiin rak dirh a si i caan kar lak ah Chin Youth Organization tiin thlen a si i Cozah hngalh pinak hmatpungtin zong a ngeimi zatlang thanchonak ca rian a tuanmi bu a si.
CYO nih biatak tein aa hmaithlak mi rian hna lak ah, Chin mino a hrawk khotu thil paoh doh in mino thanchonak le funtomnak ca riantuan, khua le ram a daihnak hnga humhimnak lei le mino cawlcanghnak caah zaanglek celhnak le pawngkam zohkhenh kilven nak hna hi an si. Rungtlang ah CYO min in kum fatin thingkung cinnak vawlei hmun ekah panga zong a ngeih.
CYO chung ahhin Hakha in sang ruk lengah Senthang peng, Mie peng le Zokhua peng tiin pengtlang pathum an i tel. +++
