CYONA Chin Person of the Year 2019 Caah Min Tarmi 5 Thim Khawh An Si Cang

0

The Chinland Post| 2019 June 12| Chin Person of the Year 2019 cu CYONA nih tukum zong thim than ding in timhtuahnak an ngei. Chin Person of the Year 2019 caah a dongh bik min tarmi 5 cu 2019 June 10-23 kar tiang thim (vote) khawh an si cang tiah kan theih.

Chin Person of the Year thim khawh a si cang. Min tarmi 5 chung hin thim (vote) dingmi cu an si. Cu hna cu;

  1. Elaisa Vahnie (Founder, BACI, Inc)
  2. Rung Lian Ceu (Chin Wrestler)
  3. Mai Thin Yu Mon (Human Rights Activist)
  4. Dr. Sasa (Founder, Health and Hope)
  5. Rev. Dr. Thlaawr Bawihrin (GS, CBCUSA) an si.

Hika hi hmet law thim (vote pek) khawh a si. 

CYONA Chin Person of the year 2019 cu a tanglei tahfung zoh in thim a si lai.

  1. Miphun le ram a dawmi, Chin miphun a si lai.
  2. Miphun caah pumpek in rian a tuanmi a si lai.
  3. Kan miphun hmai a hngal tertu a si lai.
  4. A riantuannak hlawh a tlingmi le zohchunhtlakmi a si lai.
  5. Kan miphun nih a riantuannak aa hlawkpimi a si lai.
  6. 2018 in atu tiang a riantuannak zoh a si lai.

Thim caan cu June 10-23, 2019 tiang a si lai. Zapi nih thimmi zoh in committee chungtel nih a tanglei minung panga hi thimtlak an si ko tiah kan rak taar hna. Hi panga chung ah zapi nih online in a tam bik thimmi cu CYONA Chin Person of the Year 2019 pek a si lai. Hi min thatnak a cotu cu CYONA Convention tuahnak July 4-6, 2019 ah Indianapolis, Indiana ah laksawng peknak le roca pek chih a si lai.

CYONA ah Chin person of the year a rak ngah cia cangmi hna cu; Pu Zo Tum Hmung, Pu Zing Cung, Dr. Lian Hmung Sakhong, Pu Thang Shing le Pu Thla Hei an si tiah kan theih.

Elaisa Vahnie (Founder, BACI, Inc)
Dr. Sasa (Founder, Health and Hope)
Mai Thin Yu Mon (Human Rights Activist)
Rev. Dr. Thlaawr Bawihrin (GS, CBCUSA)
Rung Lian Ceu (Chin Wrestler)
aa paih lai te ah thla a camtak lio

Hika hi hmet law thim (vote pek) khawh a si. 

About The Author

Na ruahning rak langhter ve.. (Leave a comment)

%d bloggers like this: