CYONA Internship Mino Chinram A Phan_ Mino he Biaruahnak An Ngei + Video
CYONA le Chin Mino Sianghleirun Hmuhtonmi Biaruahnak
Hakha| May 25, 2019| Chin Youth Organization of North America (CYONA) nih 2018 thok in US um Chin sianghleirun le mino pawl cu Kawlram Chinram ah tlung in an fimthiamnak siseh, Chin ram ah thilthar cawn in hmailei cawlcangh tinak (Exchange Program) a um khawhnak hnga Riancawnnak (Internship) 2019 an rak thlahmi hna minung (6) cu Chin ram an phan cang i Hakha hrambunh sianghleirun, Siangngakchia le mino pawl he tonnak an ngei cuahmah tiah theih a si.
CYONA, Chin Human Rights Organization (CHRO), Chin Center for Peace & Reconciliation (CCPR) le Foster Education Foundation tawlrelnak in Ramchung ramleng Chin mino pemnak, ipehtlaih thannak, fimthiamnak le rian kongah zeitin dah theihthiamnak le naihniam in tuantinak kan ngeih khawh hnga timi lam kawl kho dingin May 24, 2019 CHRO Zungah USA le Chin ram um Chin mino le Sianghleirun hmuhning chimphuannak ( Experience Sharing: Chin Youth and University Students from USA & Chin State, Myanmar) timi tlangtar in biaruahnak ngeih a si.
Cu Ton biaruahnak ah CHRO Executive Director Salai Bawi Lian Mang nih thapek lunglawmhnak bia a chim. ( atang Video Clip ah zoh khawh a si la)
Ton Biaruahnak ah Mai Van Kim Mawi (Hakha Sianghleirun) nih Moderator tuan in Mai Lucy Iang Men(CYONA) nih US um Chin mino nunning le ihawikomhnak, Salai Hram Sang@Fiakfairok Zathang (CYONA) nih US le Malaysia um Chinmi rian kong le harsatnak, Mai Mercy Vannunpar Zathang(CYONA) nih Kawlram le US ah nun thanning siseh, Mai Esther Hniang Cer (CYONA) nih Kawlram le US fimcawnnak cawithlai ning hmuhtonnak siseh Mai Cer Len Ci (Hakha_Monywa University kai) nih Kawlram fimcawnnak le Siangngakchia dirhmun kong hmuhtonning chimrel le ceihhmai cio a si.
Chin Youth Organization of North America nih 2018 ah minung 4 ( CCU 2, CHRO 1, CCPR 1) le 2019 Internship in CHRO ah minung 2, CCPR ah minung 1, Chin Christion University ah minung 2, Foster Education Foundation ah minung 1 tin minung 6 a rak thlah hna tiah kan theih.
About The Author
