Dallas Ah King of Champion Timi Championship Paih Zuamnak An Tuah Lai

The Chinland Post| 2019 August 29| A ralaimi August 31 (Sunday zan_ Kawlram caan in) Dallas ah champion a co balmi minung pariat i ton in tuahmi King of Champion timi championship paih zuamnak an tuah lai tiah kan theih.

Tutan hi pathawng lawngte, champion co balmi lawngte i paihnak a si lai caah a nuam ngaingai lai tiah kan theih. An i paih caan hi US caan in August 31 chun suimilam 12:00 hrawng (zarhte ni) le Kawlram caan in cun August 31 zan suimilam 12:30am (Sunday zan) ah a si lai.

Paih hi zatlang paih, club paih le zuamcawh (king of Champion) cuhzuamnak tiin phunthum in then a si. Tutan cu champion a rak co balmi minung pariat i tonnak paihbual asi  lai. Hihi ramleng ahcun a hmasabik a si. Zuamcawh paih hi champion a rak co bal  lawngte i paihnak a si lai i champion min hi King of Champion (Champion Siangpahrang) timi min pek a si lai.

Tutan ah club in aa paih dingmi hna cu; CHS club, Hniarlawn club, Chin star club, Zophei club, Vakok club an si lai. Champion a co balmi hna hi Rung Lian Ceu, Uk Ling Thang, Kap Tawng, Mang Cung Lian, Ram Nuam Sang, Sang Hlei Thang, Biak Hmun Sang, Tum Bik, Van Mawng le Lal Tawng an si. Tutan ah an zapi te in an i pai kho dih lai maw, ahodah aa pai kh lai timi a fiang kho dih rih lo.

Dallas in aa pai dingmi cu Tum Bik, Van Ram Nuam Sang, Uk Ling Thang, Kap Tawng, Mang Cung Lian an si. Inadiana lei in aa pai dingmi cu Biak Hmun Sang (2019 CYO paih champion), Ngun Lin Uk (WPC middle weight champion 2019), Mang Ceu Lian (2017 CYO champion) an si tiah CCN cherhchan in kan theih.

Payper view (internet) in www.ccnchannel.net ah cawk le zoh khawh a si lai. Cu lawng si lo in Myanmar ramchung ummi zong nih The Chinland Post sin (Hakha- phone 09259153892) ah ks. 10,000 in cawk le zoh khawh a si lai. Myanmar ram ummi nih cawk le zoh nan duh ahcun nan min, email id le phone number a herh lai.

Hika ah paih tawlreltu le CCN ton biaruahnak an ngeih lio video zoh chap khawh a si.

 

Leave a Commnet

%d bloggers like this: