Daw Aung San Suu Kyi Nih A Rian In Dinh A Duhnak Kong A Chim Ruangmang Ve Cang
City Hunter| 2018 March 25| Atu lio rampi ruahnak petu Daw Aung San Suu Kyi nih a si khawh cun a rian in dinh a duhnak kong le NLD CEC (central committee) chungtel zapi rian fakpi in i zuam ding kong forhfialnak a kan ngeih tiah NLD chimnak nawlngeitu Dr. Myo Nyunt nih a chim.
March 24 zan, Naypyidaw i Pyithu hluttaw speaker hlun U Win Myint umnak inn i zanriah dumtinak ah atu bantuk in Daw Aung San Suu Kyi nih a chim hi a si” tiah Dr. Myo Nyunt nihcun 7Day Daily ah sin ah a chim.
“A biapimi cu rian fakpi in kan i zuam ding hi a si. Kanmah hi rian fakpi in kan i zuam si ahcun Daw Aung San Suu Kyi nih a si khawh cun a rian in i dinh a duh cang” tiah Dr. Myo Nyunt nihcun a chimchih.
U Win Myint cu Pyithu hluttaw speaker in rian a chuah hnu March 23 ah Pyithu hluttaw nih Vice President ah an thim. Cu ruang ah U Win Myint nih a hawikom pawl a sawm hna i a inn ah i hmuhtonnak le zanriah dumtinak a tuah hi a si. 2008 phunghrampi upadi ning in cozah phu chungtel nih party rian kong an i thlak lai tiah a kham. Asinain atu ton biaruahnak tuahmi i atu lio rampi ruahnak petu rian le ramkomh minister rian pahnih a lami Daw Aung San Suu Kyi a rakiI telmi hi upadi he aa kalh lo tiah Dr. Myo Nyunt nihcun a fianter.
Atu hawikom zanriah dumtinak ah NLD party CEC chungtel pawl le rian in aa dang cangmi NLD CEC chungtel lawng an i tel. Hi i tonnak le zanriah dumtinak ah ramkomh cozah bu chungtel minister hna, deputy minister hna an i tel lo” tiah a chimchih.
Ref: 7Day Daily
About The Author
