Dawei ah mipi inn a bauh mi SAC ralkap pawl an kirlei ah bom an puah hnawh hna
The Chinland Post | 2022 December 15 – Taninthary ramṭhen, Dawei pengkomh Dawei-Htikhi lam pawng mipi inn a bauh i a rak kir mi SAC ralkap pawl cu December 12 zaan ah bomrap an puah hnawh hna tiah theih a si.
Thazang 100 hrawng SAC ralkap pawl nih Angiaphia khua mipi inn an bauh i mansung thilri an fir hnu ke in an rak kir lio ah an kah hna hi a si.
Kahdohnak hi DDT, Thayetchaung PDF phufonh hna nih an tuah tiah an thanh.
Bomrap lung 5 puah ding in an i tim ko nain SAC ralkap pawl nih mipi pawl khamnak ca ah an tlaih hna ruang ah bomrap 2 lawng an puah khawh tiah an ṭial.
PDF phufonh pawl nih hmunhma zohfelnak an tuah tik ah SAC thuam 1 le kuan bawm hna an lak khawh tiah an langhter.
