Demoso-Hpruso Union Lampi Cung Kahdohnak Ah SAC Ralkap 71 An Thi i Hriamnam Tampi An Lak, Mipi Ralkap 3 An Nunnak A Liam
Salai Mangpau | 2023 August 20 —
Karenni ramṭhen, Demoso-Hpruso Union lampi kahdohnak ah SAC ralkap 71 an thi, hriamnam tampi an lak khawh i mipi ralkap 3 nih ram le miphun caah an nunnak an pek tiah Demoso PDF-1102 nih an chim tiah Khit Tit media nih a langhter.
Karenni -Hpruso union lampi ah August 12 in SAC ralkap LIB 55 battalion kuttang um kekal ralkap LIB 112, kekal battalion 3 cu ral hmaisial in an ra lio ah Karenni mipi ralkap tangrual phu he August 14 in zarhhnih chung kahdohnak a um.
August 10 -12 tiang ah Ngwetaung khuathar le Htitawku khua kahdohnak ah SAC LIB 112 ralkap 45 an thi, kekal battalion 3 commander, commander a changtu ralbawi 2 telh in ralkap 26 an thi, an hriamnam zuun 15, hrianngam 1 telh in kuan, zen le equipment thilri tampi cu mipi ralkap nih an lak khawh. Mah kahdohnak Mipi ralkap 3 nih ram le miphun caah an nunnak an pek tiah theih a si.
